Nimlivolivon 28:20 - Seysyo No Tao

²⁰ Am ori o ko kakzeban jinyo a yapacisirsirngan. Ta o da nivaodan jyaken am yaomagaz do ko kanoyong ji Yeso Kizisto a yarana mownay a da pananalahen no Isedi a tao.”

Nimlivolivon 28:20 Referans Kwoze

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

Ivoso 6:20

Ori an, yako iyan do pamemtengan. So yako alitan ji Kizisto a yameylimwang no Mapasaray a Ciriciring na. Ori o peynozyan nyo nyaken a kaji ko macimamman no ciriciring na ipeylimwang ko. Ta ori o peypeypangayan no na nipamnekan jyaken.

Veydipi 1:13

Am ori o da ikaro no mamzat a tao do vahay no panirsirngen eya kano aro a tao do jya do Loma a yamamimin a yamakateneng jyaken a nipteng da do kahap ko so vazay na ni Yeso.

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Nimlivolivon 24:15

Ko akman sira yaomanoyong do keypirwa da mavyay no nimawakwak rana tao, tana marahet a tana yapya so vazay a tao am to sira meyyangangay a mirwa mavyay.

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 21:33

kangay na omrakep si Pawlo no panirsirngen da no itaysang kavaod da sya no nipeylalin da adwa ka vahalang. Maniring am, “Sino ka ya. Ikongo vazay mo ang.”

Veydimeng 1:10

O yako kakdain jimo am ikarilaw mo si Onaysemo an. Ta iya rana am akma koy anak ji Kizisto do ko iyan rana do pamemtengan. So ko icyakmey ama na do raralayan ta ni Ama ta do to, ta amizngen na o ninanao ko sya a Ciriciring na ni Ama ta do to.

Nimlivolivon 10:33

Am ori o nipanovoy ko so tao a manci nimo. Ko masaray, ta ka nimai rana. Yamen rana sicyaikwaya am namen malovot do tangain ni Ama ta do to a yaomamizing so nipanci na jimo a inanao na jyamen.”

Veydimeng 1:13

Ko kakdain o kato na ngyanan do katangked ko akmey kataotao mo a mapeyveyveken jyaken, do aptengan da jyaken a meylimwang no Mapasaray a Ciriciring.

2 Timotay 1:10

Yarana nimangononong o akman sang a na sidongan jyaten. Ta yarana nimeyhekas si Yeso Kizisto a yamapatazadang jyaten. Am ori o ji ta nyahei no kawakwak ta, ta amyan rana jyaten so to meyyonong a ikavyay no pahad ta. Ori rana am ipanci na jyaten do Mapasaray a Ciriciring na.

Kelosi 4:18

Yaken rana am si Pawlo ko. Ko meyvatvatek so yako peyminaminasyan ninyo. Ji nyo a hamangi yaken a da aptengen an. Inaoy si mangay jinyo o pangangarilawan na ni Ama ta do to.

Nimlivolivon 28:17

Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin.

Nimlivolivon 10:29

Am ori o ko na ji raci so ko kapacikaop jinyo do jya. Am ikongo nyo pancyan nyaken a mai do jya.”