Nimlivolivon 28:16 - Seysyo No Tao

¹⁶ Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.

Nimlivolivon 28:16 Referans Kwoze

Nimlivolivon 27:3

Ikadwa na araw am makaranes namen do Siton. Ikongo do ikaglaw na si Pawlo ni Sodian, am ori o nipya na sya makarala a komala so kagagan na.

Nimlivolivon 24:23

Karahan am ipanci na o itaysang a amzat ji Pawlo a kapya da so kagagan na tomazogaw nya. So ji da nimvaoji pa sya no kanang.

Ipaziman 17:18

O mavakes rana a mo nimacita am rako a ili a yatomalamozong no panipanirsirngen do karawan.” Ori rana o ciring na jyaken no tinsi.

Ipaziman 17:9

“O mateneng a tao am to da na tenngi. O peypeypangayan no apito a ka oo am apito a ka tokon a lisnan no mavakes. Ipanci da ori a papito a ka panirsirngen.

Nimlivolivon 27:43

Am o mimong no itaysang am ikarilaw na si Pawlo. So ji na nimyai sira amwakwak sira. Maniring rana do aro a aptengen da tao am, “Inyo rana yamakeykeyyawat am peyyawat kamo na mangay do pamsan na.”

Nimlivolivon 27:31

Am maniring si Pawlo do mimong no itaysang a kano macilolo jya itaysang am, “No si somaway sira ito am jyabo kavyay ta.”

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Nimlivolivon 2:10

kado Vodicya kado Pangveydiya kado Ayci a kano yapo do Dipiya a masngen do Cidinay. Yamyan jyaten eya so apo do Loma a tao do Yotay a kano beken a tao do Yotay a omahap rana so iwawalam ta tao do Yotay.