Nimlivolivon 26:9 - Seysyo No Tao

⁹ “No kakwa pa am abo ji ko peyvazaya a izakat ko so tao a omamizing so nanao ni Yeso a tao do Nasale.

Nimlivolivon 26:9 Referans Kwoze

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

Nimlivolivon 22:8

Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a tao do Nasale a yamo pakakasin.’

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.

Loma 10:2

To ko na macitangain jinyo am yamanoyong da kakdeng no nakem ji Ama ta do to. Am yaji macimangno o da katenngan.

Nimlivolivon 24:5

Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

Nimlivolivon 3:6

Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.”

Yowani 15:21

Mamimin o akman sang a alalaw a mangay jinyo, do kamonganay nyo jyaken. Ta ji da tenngi o nimapahanhan jyaken.

Nimlivolivon 3:17

“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya.

Nimlivolivon 9:1

No kanang rana am ji namtadan ni Sawlo o kalalaw na so omraralay ni Yeso a tao a zakaten. Am ori o nyangay na do rako a panirsirngen no mapatanatanang so nakem da si Ama ta do to,

Nimlivolivon 22:3

“Yaken rana am tao do Yotay ko a nimatazak a tao do Tasose a macinapnap do Cidicya am nimamno ko do Yelosaleng eya. Nimeyvilang ko ji Cyamadi a tey mateneng a mangnanao no iwawalam ta tao do Yotay. Ori o nikakman ko jinyo a makdeng a omahap so iwawalam no ineynapo ta.

Nimlivolivon 22:4

No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan.