Nimlivolivon 26:20 - Seysyo No Tao

²⁰ Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Nimlivolivon 26:20 Referans Kwoze

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Matay 3:8

Ta si mamlis kamo na so icicirawat am ori o ikanoyong nyo rana yana nikomaro do peyraratenan nyo.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Ipaziman 2:5

To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

2 Kedinto 7:10

Ta o omlavi a mamlis do peyraratenan da am niblis na ni Ama ta do to so onowned da a ipeypapya da. Am o monganay do karawan a ilavi no onowned da no ji makanakem si Ama ta do to am ipeykaraherahet da.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

2 Kedinto 3:16

Am no sazapen da o Panirsirngen ta am keywangan o onowned da.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Nimlivolivon 26:17

Ko tovoin imo a meylimwang nyaken do tao do Yotay a kano beken a tao do Yotay. No si myan so omraherahet jimo am cyaha, ta apzatan ko imo.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Nimlivolivon 15:19

Maniring pa si Yake am, “O nakenakem ko am taosya o kapeyparo ta so vazay da no yarana amraralay ni Ama ta do to a beken a tao do Yotay.

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 9:35

Macita da ori no aro a tao a meyvahay do Dita kado Salon am anoyngan da rana si Yeso.

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:7

Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.

Locya 13:5

Ko pa ciring jinyo am no si ji nyo ablisi o kapeyraraten nyo am akman kamo so sang a macitopos.”

Locya 13:3

Beken a akman sang. Ko pa ciring jinyo am no si ji kamo mamlis am akman kamo so sang a mawakwak.

Locya 1:16

Ta iya o mapeysinaoli sira so aro a Isedi a tao a omraralay ni Ama ta do to a manoyong a Tao do to da.

Make 6:12

Makarahan am mangay rana sira o macinanao ji Yeso a meylimwang no ciring na ni Ama ta do to a kavavaga da do aro a tao a mamlis rana komaro do peyraratenan da.

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Ipaziman 16:11

To da na ngavaya si Ama ta do to, do kateywara no pakaliliwan da so kataotao da kano noka da. Am ji da ngaroi o marahet a iwawalam da.

Ipaziman 2:21

Nipanci ko rana jya o kapamlis na am ji na ablisi o kapasagpyan na so kataotao na.

Nimlivolivon 26:19

“Am ori mo Aglipa a panirsirngen, o ko to mangozai do yana nipanci jyaken ni Yeso no kapakacita ko sya.