Nimlivolivon 25:12 - Seysyo No Tao

¹² Mateyka ni Veyseto a ahesen o kararay na am maniring ji Pawlo am, “No mo ikakza o mo kangay do rako a panirsirngen do Loma am to ko na novoya imo a mangay dang.”

Nimlivolivon 25:12 Referans Kwoze

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 28:16

Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.

Nimlivolivon 26:32

Maniring si Aglipa ji Veyseto am, “No ji na nipanci no tao eya o kangay na ji Kaysa a panirsirngen no Loma am jyabo o kaji ta mapasawayan sya.”

Nimlivolivon 25:21

Am jyakey si Pawlo, ta ikakza na o rako a panirsirngen ta do Loma a mapacici sya. Maniring ko ji Pawlo am, ‘No komwan am to mo na panala o araraw no angayan da nimo do Loma.’ ”

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Matay 22:17

Pancyan pala jyamen o mo ahahapan sya. Manngwa, apya do iwawalam ta o katoro so deyking ji Kaysa panirsirngen no Loma an?”

Nimlivolivon 25:11

No si myan so kalasan ko a jya niomonot do iwawalam ta am cyaha, to nyo na zakata yaken. Am si abo o kalasan ko am ji ko mya o kapacici da jyaken no tao do Yotay. Si Kaysa apyahen ko a mapacici jyaken.”

Nimlivolivon 25:13

Kadadayan na so araraw am mangay si Aglipa a panirsirngen a kano mavakes a meyngaran si Peynici do Kaysadiya a somaray ni Veyseto, do mina kapamnek da jya panirsirngen da.

Nimlivolivon 27:1

Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.