Nimlivolivon 22:12 - Seysyo No Tao

¹² “Amyan dang so asa ka tao a meyngaran si Ananiya. Iya rana ori am manoyong a mahap so iwawalam ni Moyse. So kanigan da nya no tao do Yotay amyan do Tamaseke.

Nimlivolivon 22:12 Referans Kwoze

Nimlivolivon 10:22

Maniring sira am, “Na nitovoy yamen ni Kenaylyo a panirsirngen da no asa lipenpenan a itaysang do Itadi. Iya rana am na iraralay si Ama ta do to. Da ikanig no tao do Yotay, ta tey yapya o nakenakem na so tao. Nipaziman na rana jya no asa ka tinsi o kai mo do vahay na. Ta amizngen na o inanao mo sya.”

Nimlivolivon 6:3

Am ori o ipamnek nyo so papito a ka tao a katenngan no tao apiya so icicirawat a kano mateneng a oyatan no Seyzi, ta sira rana o to namen rana pahanhana a omvonong sya.

3 Yowani 1:12

Yabo yaji naray ni Temolyo, do na kato macipayokan no icicirawat na do ciriciring na ni Ama ta do to. So namen sarayan nya. So na ikanoyong no yakman sang a ciring namen.

Sipolay 11:2

O sarayan na no tao no kakwa ni Ama ta do to am nipeyhanhan da si Ama ta do to.

1 Timotay 3:7

O makdeng pa am apzatan na o icicirawat na do tangain da no ji pa nganoyong ji Yeso a tao, ta si marahet o vazay na am matamwad do katalamozong na nya ni Satan.

2 Kedinto 6:8

Amyan so zomwazway jyamen am amyan so mapeyleylak jyamen. So ikanoyong namen a ipanci da no tao a mapeycyakawad so tao. Am abo akman sang a nakenakem namen.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Locya 2:25

No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao.