Nimlivolivon 21:40 - Seysyo No Tao

⁴⁰ So nipyan na sya no panirsirngen no itaysang. Meyratateng am meytatanek si Pawlo do zazakdangan a mapatala so lima na do aro a tao. Am ori o ji da nimeykazyazyaki no aro a tao. Karahan am sirsirngen na sira ni Pawlo no ciring da no Sipolay. Maniring si Pawlo am,

Nimlivolivon 21:40 Referans Kwoze

Nimlivolivon 12:17

Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Nimlivolivon 26:14

So nikamimin namen a nimavazakwang do teyrahem a nimakowap. Meyratateng am makamizing ko so ciring no Sipolay a tao. Maniring jyaken am, ‘Sawlo, Sawlo, ikongo yamo pakakasyan jyaken. Jyabo o kapakaharag mo jyaken a. Ta rakorako o oyowyat ko a ka nimo.’

Nimlivolivon 22:2

Mamizing da si Pawlo a meyzezyak so ciring da no Sipolay am yeyyak da. Meyratateng am mangononong rana si Pawlo. Maniring am,

Yowani 5:2

Amyan do Yelosaleng so ngaranan da Pazezevngen no kagling. Am amyan do siri na so meybebneng a ranom. O ingaran da jya no Sipolay a tao am Peyseta. O livolivon no meybebneng a ranom am meykalima o tezantehed do dang.

Nimlivolivon 21:35

Amyan sira do zazakdangan am ikongo do tey masosozi sira o aro a tao, am ori o nikasamosamozongan da ji Pawlo no aro a itaysang a isdep do sahad.

Nimlivolivon 19:33

O tao do Yotay am padondonen da si Yadisanta a mangay do tangain da. Maniring sira aro a tao am, “Iya ya o yamapeyvazay sya.” Am ori o nipatalan na so lima na ni Yadisanta a manci no ciring na do aro a tao.

Ipaziman 16:16

Karahan am lovoten da rana no tatlo a kalamsoyan ni Satan o aro a panipanirsirngen do ngaranan no Sipolay a tao a Hamaketon.

Ipaziman 9:11

Amyan so asa ka panirsirngen a tomalamozong nira. Iya rana am tinsi a tomalamozong no abo so takadan a gazawagaw a jyatenngi so karaherahem. O ingaran da jya no Sipolay am Apaton. O ingaran da jya no tao do Sila am Apolon. O peypeypangayan no nang am Manbalinas.

Nimlivolivon 13:16

Ori nipeytatanek ni Pawlo a mapatala so lima na. Maniring am, “Inyo rana Isedi a tao a ka ninyo a yamraralay ni Ama ta do to am amizngen nyo an.

Nimlivolivon 6:1

No kanang rana am meyparo sira omraralay ni Yeso. Am amyan so tao do Yotay a mapeyciring so ciring da no Sila a meyoyaoya. Ta ikarahet da sira o tao do Yotay a mapeyciring so ciring da no Sipolay. Ta ano meyvonong sira so isidong da sira am ji da pa vononga sira o vao a mavakes a meyzezyak so ciring da no tao do Sila.

Yowani 19:20

Aro tao do Yotay a nimakacita so sang, ta masngen o nipadketan da si Yeso do ili. O vatvatek ori am Sipolay a kano Lating a kano Sila o kavatvatkan na. So ipeykatlo no ciring a domket do dang.

Yowani 19:17

Karahan am yangay da na si Yeso, kapeyrara na rana so jyojika makowbot a meypangay do asa ka tokon a ngaranan da so Yanga no oo no tao. O ingaran da jya no Sipolay a tao am Keketa.

Yowani 19:13

Mamizing na o aro a ciriciring ori ni Pilato am ipakowbot na si Yeso a kalisna na rana ni Pilato do lilisnan na no mapacicici so tao a ngaranan da Niherahedan no Vato. O ingaran da jya no Sipolay a tao am Cyapata.

Locya 23:38

O nivatvatkan da do teyngato no oo na kayo am, “Iya ya am Panirsirngen da no tao do Yotay.”

Nimlivolivon 1:19

Mamizing da no meyvahay do Yelosaleng am ngaranan da o hakawan ang so Haketama. O peypeypangayan na am, “Nivoyogan no rala no tao.”