Nimlivolivon 20:4 - Seysyo No Tao

⁴ O nimacihza jya am tao do Peyloya, anak na ni Pilo a meyngaran so Sopate a kano tao do Tesalonicya a meyngaran so Aditako a kani Sikongto a kano tao do Tepey a meyngaran so Cyayo a kano tao do Yasiya a meyngaran so Timotay a kani Ticiko a kani Teloveymo.

Nimlivolivon 20:4 Referans Kwoze

Nimlivolivon 19:29

Ori o nipeyvonag da asa ka ili a karakep da so kararay ni Pawlo a rarwa meyili do Maciton a meyngaran si Cyayo a kani Aditako a kalololo da sira yangay do rako a peylovolovotan da.

2 Timotay 4:20

Si Ilato rana am yana meyvahay do Kedinto. Am si Teloveymo am yameyngen o kataotao na. So ko nivezedan sya do Midito.

Ivoso 6:21

Si Ticiko a kakteh ta do cinai a yamakdeng a yamahap so vazay na ni Yeso a Panirsirngen ta am cyaha, ta ipanci na jinyo o ko kapiya do jya.

Tito 3:12

Ko naknakmen a tovoin si Atema no beken a si Ticiko a mangay jimo do dang. So ji mo meypahahai a mangay do Nikepodi a mapananala jyaken. Ta nipamnekan ko na o kato ko ngyanan do dang sicyamyan eya.

2 Timotay 4:12

Si Ticiko rana am ko na nitovoy a yamangay do Ivoso.

Kelosi 4:7

Si Ticiko rana akma tey kakteh do cinai am ipanci na jinyo o namen kapiya do jya. Iya rana am tey makdeng a mahap so vazay na ni Ama ta do to. So namen ipeyyangay a yamahap so vazay ni Ama ta do to a lamlamsoy na.

Nimlivolivon 21:29

O pancyan da no akman sang am nimacita da si Pawlo a kano asa ka tao do Ivoso a meyngaran si Teloveymo do Yelosaleng. Am ori o nipatolinan da sya ji Pawlo a nimapalolo sya somdep do rako a panaralayan.

Nimlivolivon 16:1

Mangay sira do Tepey a kado Disetela am amyan dang so asa ka tao a amraralay ni Yeso a meyngaran si Timotay. O ina na am tao do Yotay a amraralay ni Yeso. Am o ama na am tao do Sila.

Nimlivolivon 14:6

Mamizing ni Pawlo a kani Parnapo am somazok sira do Disetela kado Tepey a ili a macinapnap do Dikawniya kado macisngen dang a ili,

Kelosi 4:10

Na ipeyminaminasi inyo no yako kararay a yada aptengen do jya si Aditako. O kateysa ni Parnapo a meyngaran si Make am yakman sang a yameyminaminasi ninyo. Si Make rana am nipanci ko na o kapeyseysan nyo pa sya si mangay jinyo do dang.

3 Yowani 1:1

Yaken rana am cyozo ko a yameyteygami ni Cyayo a ney kaglaw ko a akma koy kakteh do cinai.

Veydimeng 1:24

Si Make a kani Aditako a kani Temase a kani Locya a kararay ko a mahap so vazay na ni Ama ta do to am sira mamimin a yameyminaminasi ninyo.

2 Timotay 1:2

Imo rana mo Timotay a akma koy anak am ko ipeyteygami imo. Inaoy si itoro na jimo ni Ama ta do to a kani Yeso Kizisto a Panirsirngen ta o pangangarilawan na kano pangangasyan na kano ikapiya no onowned mo.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

Veydipi 2:19

No si apyahen na ni Yeso a Panirsirngen ta am makeykai ko a tovoin si Timotay a mangay jinyo do dang. So ipakateneng ko do vazay nyo do dang.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

Loma 16:23

O yako pacivahayan a meyngaran so Cyayo a yamrara so sinjya a yameynozi do vahay da am yakman sang a yameyminaminasi ninyo. Si Ilato a yatomalamozong no nizpi do keymiminili namen ya kani Kose am yakman sang sira yameyminaminasi ninyo.

Loma 16:21

Na ipeyminaminasi inyo no mina kararay ko a si Timotay a nimeylimwang no ciriciring na ni Ama ta do to. O kasina ko no inawan a meyngaran si Lociye a kani Yeson a kani Sosipate am sira mamimin a yameyminaminasi ninyo.

Nimlivolivon 27:2

So nisakay namen do avang a nimapo do Atamityan a mangay do Yasiya a pongso. Nimacihza jyamen si Aditako a tao do Tesalonicya. O ili rana am macinapnap do Maciton.

Nimlivolivon 17:1

Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay.

Nimlivolivon 14:20

Limoten da no amraralay ni Yeso a tao am to meytatanek a meyvangon a kangay na rana do ili da. Ikadwa na araw am mangay rana sira kani Parnapo do Tepey.

Nimlivolivon 2:9

Yamyan jyaten eya so tao do Patiya kano tao do Mitiya kano tao do Ilan a kano yapo do Meysopotamiya kado Yotay a kado Kapatocya kado Pento a kado Yasiya,

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 17:13

Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao.

Nimlivolivon 20:16

Nakenakem na ni Pawlo o kaji namen neykedan do Ivoso, ta ihawa na kasengseng namen do Yasiya, ta meybezbez si Pawlo a mangay do Yelosaleng. Ta ikakza na o kapakapis na so pamaringan da so kanen no tao do Yotay do Osinci.

Nimlivolivon 20:18

Mai rana sira am pacisirsirngan na rana sira ni Pawlo. Maniring jira am, “Nyo katenngan o icicirawat ko no ka ori pa so kangay ko do Yasiya.