Nimlivolivon 20:20 - Seysyo No Tao

²⁰ Nyo katenngan manga keypong, no ko myan do peylovolovotan no tao a kado peycyakavakavahayan am ko nanawen inyo. Ko miminen o apya ciring a yako ivavaga jinyo. So ikabo no ko taywen jinyo.

Nimlivolivon 20:20 Referans Kwoze

Nimlivolivon 20:27

Ta yabo rana o ko taywen a nanao ni Ama ta do to.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Nimlivolivon 5:42

Mangday so araraw kangay da do rako a panaralayan a kado kavahayan a mangnanao so tao a meylimwang no Mapasaray a Ciriciring ni Yeso, do kanoyong na Misayya a nitovoy ni Ama ta do to do teyrahem.

Kelosi 1:28

Si Kizisto o namen ipeylimwang do aro a tao. Am ori o na ikabo no namen jyasapa rana a ipeylimwang do tao a ivavaga jira, ipaziman sira, a kanoyong da rana a meypahagnat so nakenakem a amraralay ni Yeso Kizisto.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.

1 Kedinto 14:6

Am ori an, manga kakteh an. No si mangay ko jinyo a kapangononong ko no ji nyo a tenngi a ciring am ikongo peypeypangayan na no akman sang. Si ahapen ko saon o ciring nyo a mangononong so ciriciring na ni Ama ta do to am ori o ipakasidong ko jinyo saon am.

1 Kedinto 12:7

Tana yameykataretarek o na itoro jyaten no Seyzi a oyowyat na am yamamimin ori a yamakasidong so akma tey kakteh do cinai.

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Make 4:34

No myan do kalwalovotan am nanawen na sira no pehngehngain na a ciring. No maveyvow si Yeso a kano macinanao jya o pancyan na no peypeypangayan no nanao na.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

Nimlivolivon 5:2

Nipeysirisiring da na meyyaven do vahay o kavezed da so katey no nizpi. O mapanpan am ori o nitoro ni Ananiya jira do nipamnekan na ni Yeso a omlivolivon no ciriciring na.