Nimlivolivon 18:18 - Seysyo No Tao

¹⁸ Nimownay pa si Pawlo do Kedinto. Meyratateng am karwan na rana sira o akma ney kakteh do cinai a karara na si Paycila kani Akwila a omavang do avang a mangay do Sidiya. Makaranes sira do Kengkedi am mey na tedtedan o avok na, akma ney yongkad do kanimanci na rana no makdeng a mina ciring na ji Ama ta do to.

Nimlivolivon 18:18 Referans Kwoze

Nimlivolivon 21:24

Palolwen mo sira a macihza jimo a mangay omahap so iwawalam ta tao do Yotay a katoro mo so nizpi do akdawan da jira. Golgolan da o oo da. Ta yongkad no kapangononong no mina ciring da si Ama ta do to. Ta si makman kamo sang am panoyngen da rana imo no tao a jya nimanci no akman sang a vazay, do kapacyanoyong mo do iwawalam no tao do Yotay.

1 Kedinto 9:20

No macivazay ko do tao do Yotay am inarahen ko sira o tao do Yotay, do kakza ko no kapanop ko so aro a tao do Yotay. Tana ko na ji mangozai o iwawalam na ni Moyse am ko ahapen o iwawalam da, do ko kapanadnad sira a yapanopen.

Loma 16:1

Amyan so mangay jinyo do dang a meyngaran si Veypey. Iya rana ori am akma tey kakteh do cinai a mavakes a yasomidong so sinjya do Kengkedi.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Cyalatay 1:21

Meyratateng am mangay ko na do Sidiya kado Cidicya.

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 21:3

O angayan namen am masngen do Saypolose a pongso. Niliklik namen o Saypolose a pongso a mangay do Sidiya a pongso a kapeygegcin namen do Tayar a ili. Ta mapagcigcin sira dang so warawara.

Nimlivolivon 18:26

Ori o ji na rana mogawi a mangnanao do peyneynozyan. Mamizing ni Paycila kani Akwila am rarahen da mangay do vahay da kapanci da no ji na pa nimamizing a nanao a omagaz ji Yeso. Ori o nikapiya na rana no ipangnanao na.

Nimlivolivon 15:41

So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.

Matay 4:24

So nipeyyamyamizngan da na do ngaran na ni Yeso do Sidiya. Am ori o nyangayan da no meykeyngeyngen a tao a kano kovotan no kalamsoyan ni Satan a tao a kano mamezamezay a tao a kano ji makapeygonagonay a tao. Nimimin da o akman sang a tao yangay do tangain na. So niteyteyhesan na sira niwakwakan so kataotao.

Make 6:46

Teyka na taitaiden o aro a tao ni Yeso am omangaz do tokon a meynozi.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Nimlivolivon 21:23

Hapen mo o ciring namen jimo an. Amyan so papat a ka tao a nimyan so ciring ji Ama ta do to.