Nimlivolivon 17:31 - Seysyo No Tao

³¹ Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Nimlivolivon 17:31 Referans Kwoze

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Locya 22:22

Ta to ko mangozai a Nipamnekan na ni Ama ta do to do kawakwak da jyaken. Am o manazang nyaken a tao am to makasi an.”

Yowani 5:27

Na nitoro jyaken ni Ama ta do to o oyowyat a yamapacici a mapeykapyapinpin so tao. Ta yaken rana am Nipamnekan na ni Ama ta do to a tao.

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Yowani 16:10

Da jyatenngi o manoyong a vazay. Ta yaken rana am yako mangay ji Ama. So ji nyo rana makacitai jyaken.

Nimlivolivon 17:6

Am ji da kala sira. Am to da rana rakpa si Yeson a kano karwan da sinjya a lolwen a yangay do panipanirsirngen da. Maniring sira am, “O tao rana yamapeyzavozavoz so tao do peycyamahamahatawan na am sira rana nimakaranes do jya.

Nimlivolivon 17:32

Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.”

Sipolay 6:2

a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.