Nimlivolivon 17:3 - Seysyo No Tao

³ a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.”

Nimlivolivon 17:3 Referans Kwoze

Nimlivolivon 18:28

Ta mowyat a mapasapa do macinekanekad jya tao do Yotay a manci no Seysyo, do kanoyong ni Yeso a Misayya a nitovoy ni Ama ta do to.

Nimlivolivon 9:22

So ikatey mateneng na ni Sawlo a mangnanao a jyamogaw a macinekanekad jira a manci ni Yeso a Misayya. Am ori o ji da makatenngi jya pasapan no aro a tao do Yotay do Tamaseke.

Locya 24:32

Maniring sira do kadwan jira am, “Yanimacisirsiring jyaten do ta pangonongan a na kapangononong jyaten so Seysyo no kano nang am ta mina todeyrasi so onowned a yamasaray a omamizing sya!”

Nimlivolivon 3:18

No kakwa pa am nipanci na rana ni Ama ta do to do aro a panoyonoywan na so ciring o kapaziman da si Yeso a pakakasi nyo. Am yana nipangononongan sicyaikwaya o akman sang.

Locya 24:46

Maniring pa jira am, “O nivatvatkan da do Seysyo a ciriciring am amyan so alalaw ni Kizisto. Ikatlo na araw am mirwa pa mavyay.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Nimlivolivon 1:4

Ipisa no kalovot da pa am nipanci ni Yeso jira o, “Si Yowani rana am nitaktakan na inyo no ranom. Am do kadadayan no araraw am meyhekas jinyo o Seyzi. Am ori o ji nyo ngaroi do Yelosaleng, ta nanalahen nyo o Seyzi a itoro na jinyo ni Ama ta do to akman so nipanci na jyaken no kakwa kano nipanci ko pa jinyo asyo.”

Yowani 20:9

Am ji da pa tenngi o peypeypangayan no ciring do Seysyo do kawakwak na keypirwa na mavyay.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.