Nimlivolivon 16:7 - Seysyo No Tao

⁷ Makaranes sira do Misiya am naknakmen da o kangay da do Potiniya a ili. Am ji na mya sira no Seyzi.

Nimlivolivon 16:7 Referans Kwoze

Veydipi 1:19

Ta katenngan ko o kapakowbot da jyaken, do peynozyan nyo nyaken a kano sidongan na jyaken no Seyzi a nitovoy na jinyo ni Yeso Kizisto.

Loma 8:9

No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Nimlivolivon 8:29

Maniring o Seyzi ji Veydipo am, “Mangay ka macikasngen do aleleh ang.”

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

Locya 24:49

Tovoin ko jinyo o Seyzi a nipanci na a itoro na jinyo ni Ama. Am to kamo ngyan do ili eya amnanala sya mangay no si parawaten na jinyo o oyowyat apo do teyngato.”

Nimlivolivon 16:8

Am ori o to da hatasi so Misiya a kangay da do Teloya.