Nimlivolivon 16:6 - Seysyo No Tao

⁶ Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 16:6 Referans Kwoze

Nimlivolivon 18:23

So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Cyalatay 1:2

Yaken rana kano akma tey kakteh do cinai do jya am yanamen ipeyteygami inyo a peycyakyokyokayan na do Cyalatay.

Nimlivolivon 16:7

Makaranes sira do Misiya am naknakmen da o kangay da do Potiniya a ili. Am ji na mya sira no Seyzi.

Nimlivolivon 11:12

So nipancyan na nyaken no Seyzi so kaji ko ratan so kapacihza ko jira. O ananem eya akma tey kakteh do cinai a mina kararay ko a nyo macita eya am nipehza ko sira jyaken a mangay do Kaysadiya kasdep namen do vahay da Kenaylyo.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

2 Timotay 4:10

Ta na nikarwan rana yaken ni Temase a mangay do Tesalonicya, do kapyapya na pa so masaod no karawan. Si Keleseke rana am nimangay do Cyalatay. Si Tito am nimangay do Taarmatiya.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

Sipolay 11:8

Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

2 Timotay 1:15

Mo katenngan rana, ta o tao rana do Yasiya pongso ya am sira mamimin a yajyakza nyaken. Yakman sang si Veykelo a kani Hemokenay a yajyakza nyaken.

2 Kedinto 1:8

Manga kakteh, ko kakzeben inyo a makateneng do alalaw namen no keyyan namen pa do Yasiya pongso. Ta teywara o mina alalaw namen. Ori o ji namen ngatatai do kavyay namen.

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

1 Kedinto 12:11

Am o yamakakaday a oyowyat a kano teneteneng am asa o na yapwan. Iya rana am Seyzi a mangay tomoro no oyowyat na do aro a tao. Ori rana am nakenakem na no Seyzi o katoro na nya jyaten so oyowyat ta kano teneteneng ta.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 20:16

Nakenakem na ni Pawlo o kaji namen neykedan do Ivoso, ta ihawa na kasengseng namen do Yasiya, ta meybezbez si Pawlo a mangay do Yelosaleng. Ta ikakza na o kapakapis na so pamaringan da so kanen no tao do Yotay do Osinci.

Nimlivolivon 20:4

O nimacihza jya am tao do Peyloya, anak na ni Pilo a meyngaran so Sopate a kano tao do Tesalonicya a meyngaran so Aditako a kani Sikongto a kano tao do Tepey a meyngaran so Cyayo a kano tao do Yasiya a meyngaran so Timotay a kani Ticiko a kani Teloveymo.

Nimlivolivon 10:19

Naknakmen na pa ni Pite o peypeypangayan no nimacita na ori am maniring jya o Seyzi am, “Yamyan so yatatlo a ka tao a yakomala jimo.

Locya 1:2

O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya.

Nimlivolivon 6:9

Am amyan so tao a macioya jya a somkad jya. O tatasa jira am tao do Yotay apo do Cidinay a kado Yadisanta. Sira rana am manaralay do ngaranan da so Peyneynozyan da no somaliway rana tao. O karwan da am tao do Yotay apo do Cidicya kado Yasiya.

Nimlivolivon 8:29

Maniring o Seyzi ji Veydipo am, “Mangay ka macikasngen do aleleh ang.”

Nimlivolivon 21:27

Makeykai rana komavos o ikapito na araw am amyan so tao do Yotay apo do Yasiya a nimakacita si Pawlo do rako a panaralayan. Karahan am manara sira so aro a tao a kapeyvonag da sira. Ori o nirakpan da si Pawlo.

Loma 16:5

Ko ipeyminaminasi sira o yamalwalovot a yameynozi do vahay da. Ko ipeyminaminasi o kagagan ko a si Ipaynayto. Ta iya rana am ney manma na niomanoyong ji Yeso Kizisto do Yasiya a pongso.

1 Kedinto 16:19

Da ipeyminaminasi inyo no peycyakyokyokayan na do Yasiya. Tana si Akwila kani Paycila kano aro a sinjya a meyneynozi do vahay da am yakman sang sira yameyminaminasi ninyo do tamo kakmey yasa yamraralay ni Yeso.