Nimlivolivon 16:20 - Seysyo No Tao

²⁰ Maniring sira am, “Sira rana tao do Yotay am da peyzavozavozen o icicirawat do ili ta ya.

Nimlivolivon 16:20 Referans Kwoze

Yake 4:4

To kamo makasi yaomalalas ji Ama ta do to a tao. Ta manngwa, nyo jyatenngi o kapeykavosoyan na si Ama ta do to no meyparai jya so nakem a tao? So ji na alasi no akman sang a tao a mapeykavosoyan si Ama ta do to.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 19:34

Am katovilan da si Yadisanta a tao do Yotay. Am ori o nilololos da. Maniring sira am, “Ney maizay na o Atemey a iraralay ta do Ivoso!” So nikadwa na ka toki no nilololos da.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Matay 2:3

Mamizing na no panirsirngen a meyngaran si Helote am marahet o onowned na. Akman sang sira o tao do Yelosaleng a mamogaw.

Nimlivolivon 16:19

Katenngan da na no pacivahayan na no mavakes ang o kabo rana no peynizpyan da am rakpen da si Pawlo a kani Sila a lololwen a yangay do panipanirsirngen do ili da.

Nimlivolivon 16:21

Ta sira mangononong so ta ikarahet a tao do Loma.”