Nimlivolivon 16:13 - Seysyo No Tao

¹³ Ipeywalam no tao am mangay namen do ayo do siri no ili da, ta nimamizing namen do dang o angayan da meynozi no tao do Yotay. Makaranes namen dang am nanawen namen sira o aro a mavakes a nimalovot dang.

Nimlivolivon 16:13 Referans Kwoze

Nimlivolivon 13:14

Am sira Pawlo a kani Parnapo am to sira meysosonong a mangay do asa ka ili a meyngaran so Antia a macinapnap do Pisitiya. O araw na no ipeywalam no tao am mangay sira do peyneynozyan a omamizing so ciriciring na ni Ama ta do to.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Nimlivolivon 21:5

Karwan namen rana sira am macihza sira jyamen o sinjya a kapalolo da so katovong da do vahay a kano anak da mangay a tomaitaid jyamen. So nikalovot namen a meylilitod do pasalan a meynozi ji Ama ta do to,

Nimlivolivon 20:7

Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

Nimlivolivon 18:4

Mangday so ipeywalam no tao yangay ni Pawlo do peyneynozyan a macinekanekad, kananao na so tao do Yotay a kano tao do Sila. Ta kakdain na sira omanoyong ji Yeso.

Nimlivolivon 17:2

So to na mangozai ni Pawlo do mina iwawalam na no kakwa pa mangay do peyneynozyan. Ipitlo do ipeywalam no tao a macinekanekad do tao a mangnanao no nivatvatkan a Ciriciring na ni Ama ta do to,

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 13:42

Mateyka rana mangononong si Pawlo am karwan da rana kani Parnapo o peyneynozyan. Maniring sira o niomamizing sya a tao am, “Si ipisa kapeywalam no tao am mai kamo pa omnanao jyamen.”

Yowani 8:2

Apnezak do ikadwa na araw am meysinaoli a mangay do rako a panaralayan. Aro sira tao a mangay komala sya. Karahan am amlisna si Yeso amnanao sira.

Locya 13:10

Ipisa kapeywalam no tao am mangnanao do peyneynozyan si Yeso.

Make 16:15

Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan.

Matay 13:2

Aro tao a meylovolovot do tangain na. Am ori o nizagpit na do vazangay a omlisna. O aro a tao am meytatanek sira do pamsan na.

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

Nimlivolivon 16:16

Ipisa am mangay namen do ayo a meynozi am amyan so nimasinmo namen do rarahan a mavakes a lamlamsoy da. Mahaw na o vazay no makwa, ta nikovotan no kalamsoyan ni Satan. So ikaro no mahap na nizpi a itoro do mapeylamlamsoy sya a tao.