Nimlivolivon 16:12 - Seysyo No Tao

¹² So nyangay namen do rako a ili do Maciton a meyngaran so Veydipi. O ili ori am italamozong no Loma. So niseysan namen dang.

Nimlivolivon 16:12 Referans Kwoze

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Nimlivolivon 20:6

Mahatas rana o nipamaring da so kanen do yakan da so ji nimimway a pang am nimapo namen do Veydipi. Kalima araw namen a niomavang do avang am makaranes namen do Teloya. So nipakacita namen rana so kararay namen a nimanmanma a nimangay. Karahan am misan namen do dang so kapito araw.

Nimlivolivon 16:21

Ta sira mangononong so ta ikarahet a tao do Loma.”

Nimlivolivon 16:9

Mahep rana am amyan so nipacita na ji Pawlo ni Ama ta do to, do akma ney tateynep. Macita na do akmey tateynep o asa ka tao do Maciton a meytatanek a mapasyasi jya. Maniring am, “Mai kamo do Maciton a somidong jyamen.”

Nimlivolivon 16:10

Macita na ni Pawlo o akmey tateynep am ori o nikakeykai namen rana a nimangay do Maciton. Ta katenngan namen si Ama ta do to a manci nyamen a mangay meylimwang no Mapasaray a Ciriciring na do tao do dang.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 19:29

Ori o nipeyvonag da asa ka ili a karakep da so kararay ni Pawlo a rarwa meyili do Maciton a meyngaran si Cyayo a kani Aditako a kalololo da sira yangay do rako a peylovolovotan da.

Nimlivolivon 20:1

Meyrehes rana o nipeyvonag da am lovoten na sira ni Pawlo o amraralay ni Yeso, kapait na sira kataitaid na rana sira. So nikarwan na rana dang a mangay do Maciton.

Nimlivolivon 20:3

So nisan na dang so katlo a vehan. Vovwan na o kavang na do avang a mangay do Sidiya am to na sapa o tao do Yotay a omvovo jya zakaten. Am ori o nipancyan na no kato na rana meysinaoli a meyliktaw do Maciton.

Nimlivolivon 27:2

So nisakay namen do avang a nimapo do Atamityan a mangay do Yasiya a pongso. Nimacihza jyamen si Aditako a tao do Tesalonicya. O ili rana am macinapnap do Maciton.

Loma 15:26

Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.