Nimlivolivon 15:32 - Seysyo No Tao

³² Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 15:32 Referans Kwoze

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

1 Timotay 2:1

O yamanma pa yako inanao jinyo am ipeynozi nyo o tao do karawan ji Ama ta do to. Ipasyasi nyo ji Ama ta do to a kasidong na sira. So ji ta hamangi no kasaray ta no aryarilaw na jyaten.

2 Tesalonicya 3:12

O akman rana sang a tao am pangozayan namen o ngaran ni Yeso Kizisto a Panirsirngen ta a mapaziman sira. So ikowyowyat da pa a meyvazay a omyaw no velek da. Ji sira to manazovaz so icyatatao da.

1 Tesalonicya 5:20

Ji nyo ngolala o ipanci da no meylimwang no ciriciring na ni Ama ta do to.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

Ivoso 3:5

No kakwa am abo pa tao a nimapatwaw so nanao eya a omaing ji Kizisto. Am sicyaikwaya am na rana patwawen no Seyzi do nipamnekan na ni Yeso a omlivolivon no ciriciring na tao a kado mangononong so ciriciring na ni Ama ta do to.

1 Kedinto 14:32

O yanan no teneteneng a mangononong so ciriciring na ni Ama ta do to a tao am ingtwan na o kataotao na, ta ji to meyzezyakan.

1 Kedinto 14:29

Am o mangononong so ciriciring na ni Ama ta do to am apya ka rarwa da am tatlo no manci nya. O mangamizing a tao am pakamizngen da o kanoyong na kalas na no ciring da.

1 Kedinto 14:3

Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

Loma 12:6

Na ikarilaw yaten ni Ama ta do to a nimanta nyaten so meykataretarek a teneteneng ta. Am ori o pangozayan ta do teneteneng ta a nitoro na jyaten ni Ama ta do to a somidong so akma tey kakteh do cinai. No teneteneng a mangononong so ciriciring na o nitoro na jyaten am pangozayan ta o nakenakem ta si Ama ta do to a mangononong so ciriciring na.

Nimlivolivon 20:2

So nilivonan na so ili da pangonongan a mapait so sinjya, kangay na rana do Akayya.

Nimlivolivon 18:23

So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Nimlivolivon 15:41

So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 11:27

No kanang rana am amyan so manoyonoyo so ciring ni Ama ta do to a apo do Yelosaleng a mangay do Antia.

Nimlivolivon 2:40

So ikaro na pa no ciring na ni Pite a pakoyokoin na jira. Maniring pa am, “Inyo rana am macisyay kamo do meyraraten a tao an. Ta ori o ji nyo macizanoji do balinasen na ni Ama ta do to a tao.”

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Matay 23:34

Amizngen nyo an, ta manovoy ko so panoyonoywan ko so ciring a kano yanan no teneng na ni Ama ta do to a tao a kano mangnanao a tao a mangay jinyo. So iyan na jira ang no wakwaken nyo. Amyan jira ang so padketen nyo do jyojika. Amyan jira ang so bakbakan nyo do peyneynozyan nyo a paksozen do teyhesa ka ili.

Nimlivolivon 15:3

Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.

Nimlivolivon 15:27

O namen nipamnekan rana am si Yota kani Sila. Sira o namen hanhan a manci no ciring namen do teygami eya.

Nimlivolivon 15:31

Vilangan da rana o teygami da jira am masasaray sira, ta apiya o ciring da ipait da sira.