Nimlivolivon 15:3 - Seysyo No Tao

³ Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.

Nimlivolivon 15:3 Referans Kwoze

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 21:5

Karwan namen rana sira am macihza sira jyamen o sinjya a kapalolo da so katovong da do vahay a kano anak da mangay a tomaitaid jyamen. So nikalovot namen a meylilitod do pasalan a meynozi ji Ama ta do to,

Tito 3:13

Sidongen mo o mapacicici a tao a meyngaran si Sena kani Apolo a yaomavat do da kapangilili. So ikabo no kahamangan da palolwen.

1 Kedinto 16:11

Ji nyo ngolala. Ta sidongen nyo a meypangay jyaken do jya. Ta yako nanalahen si Timotay a kano kakehza na a mai jyaken do jya.

1 Kedinto 16:6

Ala miseysan ko jinyo do dang so makanateng a araw. Ala si mavitos rana o amyan am ori o yangay ko rana mangilili a sidongen nyo pa yaken a meypangay do angayan ko.

Loma 15:24

Am no si mangay ko rana do Sipanya pongso am mangay ko sazin inyo. Jyabo kaji ta narayan a makacita so kadwan jyaten a. Ala sidongen nyo pa yaken a meypangay do angayan ko.

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

2 Kedinto 1:16

No si meypangay ko do Maciton am ko pinanakman o kapanmanma ko a mangay jinyo do dang. No si meysinaoli ko am mangay ko pa jinyo. Ta sidongen nyo yaken a mangay do Yotay.

Nimlivolivon 28:15

Mamizing da yamen no amyan do Loma akma nameney kakteh do cinai am mangay da tazapyahen yamen do rako a panazangan a ngaranan da a Yapio. O karwan da am nimangay sira do ngaranan da so Meykatlo a iseysanan a ili a tomazapya jyamen. Macita na sira ni Pawlo am isaray na ji Ama ta do to. Ta nikaitan o onowned na.

Nimlivolivon 13:52

Masasaray sira o amraralay ni Yeso a tao do Antia do kowyat na jira no Seyzi.

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 8:14

O nipamnekan ni Yeso a omlivolivon no ciriciring na amyan do Yelosaleng am mamizing da o keyyan no tao do Samadiya a mahap rana so ciriciring na ni Ama ta do to. Am ori o nitovoyan da si Pite a kani Yowani a mangay jira.

Locya 15:32

Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 15:4

Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 17:15

Makaranes sira do Yatyan o nimacihza ji Pawlo am meysinaoli rana sira do Peyloya a manci no nipakoyokoy na jira ni Pawlo, ta kakzeben na si Sila kani Timotay a makeykai a mangay jya.

Nimlivolivon 20:38

do kapakanakem da so ciring ni Pawlo a manci no kaji da rana makacittan sya. So nikeyngen no onowned da. So nikamimin da macihza ji Pawlo a mapasakay sya do avang.