Nimlivolivon 11:28 - Seysyo No Tao

²⁸ Amyan jira so asa ka tao a meyngaran si Acyapo. Maniring do aro a tao am, “Nipaziman na jyaken no Seyzi o keyyan no omanam a rako a abcil do karawan.” (So nipangononong no ciring na no kapeypanirsirngen da si Kelawti.)

Nimlivolivon 11:28 Referans Kwoze

Nimlivolivon 21:10

Asa ka peywalam no tao o nisan namen dang. Amyan so asa ka tao a meyngaran si Acyapo a panoyonoywan na so ciring ni Ama ta do to apo do Yotay.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Locya 3:1

Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini.

Locya 2:1

No kano nang am amyan so ciring na no panirsirngen da no Loma a meyngaran si Kaysa Awkoseto. Maniring am, “Inyo rana ko italamozong a tao do Loma am mamimin kamo a mangay a mapadket so ngaran nyo.”

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Matay 24:7

Meyyarap sira o meytarek so iteytetngehan a kapeyyarap da no teyhesa ka mahataw. So iyan na no rako a kanini a kano abcil do karawan.