Nimlivolivon 10:36 - Seysyo No Tao

³⁶ Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 10:36 Referans Kwoze

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

1 Kedinto 15:27

Ta maniring do Seysyo am, “Nipamnekan na ni Ama ta do to a meymatmatngeh no karawan.” O karawan a na malavat do jya am ji macyangay dang si Ama ta do to. Ta iya o nitomoro nya ji Kizisto so oyowyat na a tomalamozong no karawan.

Ipaziman 19:16

O vatvatek a domket do ayob na kado appa na am, “Kabtekan a Panirsirngen.”

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Veydipi 2:11

a manci ni Yeso Kizisto a Panirsirngen. So ikanoyong no azwazway a mangay ji Ama ta do to.

1 Kedinto 15:47

O ney manma na tao a si Adam am nyamaog na ni Ama ta do to no tana. O manowji a Adam am si Kizisto. Iya rana am nimapo do teyngato.

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Nimlivolivon 13:46

Am ikakdekdeng ni Pawlo a kani Parnapo a meyzezyak a omnanao sira. Maniring sira am, “O ciriciring na ni Ama ta do to am nimanma kamo a peylimwangan nya. Am nyo kaji nganoyngan jya. Nyo to nazibwan o na kapanta ninyo ni Ama ta do to so to meyyonong a ikavyay no pahad nyo. Am ori o namen karwan rana jinyo a mangay do beken a tao do Yotay.

Nimlivolivon 13:32

Sicyaraw rana ya am namen ipeylimwang jinyo o Mapasaray a Ciriciring na ni Ama ta do to. O nipanci na pa ni Ama ta do to do ineynapo ta am yana nimangononong jyaten an. Ta na nivyay si Yeso ni Ama ta do to akman so nivatvatkan do ikadwa na no Anwanood. Maniring am, ‘Imo am Anak ko imo an. So peylimwangan ko nimo sicyaraw eya do yamo kapeyyama jyaken.’

Nimlivolivon 11:19

Wakwaken da si Setiven am peyvwaken da na o omraralay ni Yeso a tao. Am ori o nikarwan da do Yelosaleng a mangay tomayo do Vongnise a kado Saypolose a kado Antia a kapeylimwang da no ciriciring na ni Ama ta do to do tao do Yotay.

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Matay 10:6

Mangay kamo do Isedi a tao, ta yakmey mavozaw sira kagling.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Kelosi 1:20

Tana teyrahem a tana teyngato am yana nimimin a nitoro ji Yeso ni Ama ta do to. Ta iya rana am na nikawakwak yaten do jyojika. So na ikabo rana no yamarahet.

Locya 1:79

a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”

Nimlivolivon 10:37

Nyo na katenngan an, mateyka si Yowani a omononong do kapanaktak na am papwen na rana do Cyadidi a macinapnap do Yotay o keyyan no mapeyzokab a vazay.

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.