Matay 8:2 - Seysyo No Tao

² O asa ka omlabyab so kataotao am nimangay ji Yeso a meylilitod. Maniring am, “Mo Panirsirngen, no si apyahen mo am jyabo kaji na apyan no kataotao ko a.”

Matay 8:2 Referans Kwoze

Matay 18:26

Karahan am to rana meylilitod o lamlamsoy na do tangain na a mapasyasi jya. Maniring am, ‘Ikasi mo pa yaken an. Cyaha, ta paolin ko o ko nivood jimo a nizpi.’

Matay 15:25

Mamizing na o ciring ni Yeso am meylilitod do tangain na. Maniring am, “Mo Panirsirngen, sidongen mo pa yaken.”

1 Kedinto 14:25

O meyyomomon do onowned na a raraten am jyabo kaji na ngablisan jya a omraralay rana ni Ama ta do to, do kanoyong na do kapacikaop na jinyo ni Ama ta do to.

Nimlivolivon 10:25

Somdep si Pite am mangay si Kenaylyo do tangain na kapeylilitod na amraralay nya.

Yowani 9:38

Maniring am, “Mo Panirsirngen, ko anoyngan imo.” Karahan am meylilitod do tangain ni Yeso a omraralay nya.

Matay 28:17

Macita da si Yeso am meylilitod sira amraralay nya. Am tatasa pa jira o mapeykarwa pa so onowned.

Locya 4:27

No keyyan na pa ni Idisa a panoyonoywan na so ciring ni Ama ta do to am aro do Isedi o omlabyab so kolit. Am o meyngaran so Naman a tao do Sidiya am ori o nikeywakwakan so kataotao.”

Matay 26:6

Amyan si Yeso do Potani a ili am nimyan do vahay da da Simong. Iya o nimlabyab so kolit no kakwa.

Matay 20:20

O mavakes ni Sipitay a kano rarwa ka anak na mahakay am mangay sira ji Yeso a kapeylilitod no mavakes do tangain ni Yeso a mapasyasi jya.

Matay 14:33

O macikavang ji Yeso a macinanao jya am iraralay da rana si Yeso. Maniring sira am, “Namen anoyngan imo a Anak ni Ama ta do to.”

Matay 13:58

Ikongo do ji da nganoyngi si Yeso, am ori o ji na nimeyvazai so aro a mapeyzokab a vazay do dang.

Matay 9:18

Macisirsiring pa jira si Yeso am mai o asa ka meymatmatngeh no peyneynozyan a tao a meylilitod do tangain na ni Yeso. Maniring am, “Na kawakwak pa no anak ko a mavakes. Kapakamo mo am mangay mo pa parapongen o lima mo do anak ko a kavyay na rana.”

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Matay 28:9

Meyratateng am to da cita si Yeso do rarahan. Maniring jira am, “Kokay kamo.” Am ori o nipeypanam da mangay a omyapet so ai na amraralay nya.

Matay 10:8

Iwakwakan nyo sira o meykeyngeyngen a tao. Avyain nyo sira o nimawakwak a tao, kapya da no omlabyab so kolit a tao a kapamozwaw nyo so kalamsoyan ni Satan a komovot do tao. Yabo o ngina na no oyowyat ni Ama ta do to a nitoro na jinyo. So icyakman nyo sang a ji macyami do sidongen nyo a tao.

Matay 4:9

Maniring si Satan am, “No si meylilitod ka amraralay nyaken am to ko na mimina o makakaday a itoro jimo.”

Matay 2:11

Somdep sira do vahay am macita da o kanakan a kano ina na si Madiya. Am ori o nilogod da amraralay no kanakan ang. Makarahan am babahen da rana o nipalolo da ovay a kano mahangno a haneng a kano makdeng a kosozi a yazaw da sya.

Matay 8:1

Omosok si Yeso a apo do tokon am onotan da no aro a tao.

Matay 8:25

Makarahan am mangay da yokain si Yeso no macinanao jya. Maniring sira am, “Mo Panirsirngen, avyayey yaten, ta tamo na marahet.”

Nimlivolivon 10:14

Am maniring si Pite am, “Mo Panirsirngen, taosya, ta ji ko pa nikoman so sang, ta oya am ji namen ngangana a tao do Yotay.”