Matay 7:7 - Seysyo No Tao

⁷ “Makowyat kamo a meynozi, ta ori o ipakahap nyo so apyahen nyo no nakem. Makowyat kamo a komala si Ama ta do to, ta iya o yanan no kakzeben nyo no nakem. Makowyat kamo a tomawag ji Ama ta do to, ta iya o makasidong jinyo.

Matay 7:7 Referans Kwoze

Matay 21:22

No makdeng kamo so nakem ji Ama ta do to am o amin nyo do inozi nyo am mahap nyo.”

1 Yowani 3:22

No myan so amin ta ji Ama ta do to am itoro na jyaten. Ta ta onotan o nanao na a yamapeyvazay so isaray na vazay.

Yowani 15:7

No si macikaop kamo jyaken a keyyan na rana no ciriciring ko do onowned nyo am no amyan so amin nyo jyaken am itoro ko jinyo.

Make 11:24

Am ori o ko pancyan nya jinyo. No meynozi kamo a keyyan no amin nyo am anoyngan nyo o kapakahap nyo so sang. So ikabo no ji na norwan jinyo a amin nyo.

Matay 6:33

So ikapinsan na no kakza nyo no katalamozong na ninyo ni Ama ta do to a omahap so isaray na vazay. Ta ori o torwan na nya jinyo so apyahen nyo no nakem.

Matay 7:8

Ta o mapasyasi jya, komala sya, tomawag jya am mahap da o isidong na sira.

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Matay 18:19

Ko pa ipanci jinyo am tana rarwa kamo a kakma nyoy yasa so nakenakem a mapasyasi ji Ama ta do to am itoro na o amin nyo jya.

Yake 5:15

No ipeyhanhan nyo o ngaran na am mavoga na o ingingnen na no makaliliw sya tao. So ikanoyong na rana nikeywakwakan so kataotao. No myan so raraten no tao ori am todavonas rana.

Locya 18:1

Ipanci na jira ni Yeso o payyaingen na sya ipait na sira a meynozi.

Matay 7:11

Kakwakwan nyo a meyraraten a tao a yamakateneng do kapanta no anak nyo so pipya kanekanen a imanngo rana si Ama ta do to. Ta jyabo kaji na norwan nya jinyo no amin nyo o ikeykakza nyo a.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 3:11

Abwata o yasa ka tao a yamakateneng ji Ama ta do to. Yabo o yasa ka tao a yamakza no na kararalay ni Ama ta do to.

Locya 13:25

No aneban na rana no mapeyvahay sya am meytatanek kamo do pantaw a mapaktoktow a manci no, ‘Mo kahakay, iwangan mo pa yamen an.’ Jyabo kaji na mapeyciringan sya jinyo so, ‘Ji kamo makamo am ko jyatenngi o nyo kapwan.’