Biblia Todo Logo
Bib sou entènèt

- Piblisite -




Matay 7:21 - Seysyo No Tao

21 “O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Gade chapit la Kopi




Matay 7:21
49 Referans Kwoze  

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.


“Ikongo nyo pancyan no nyo kanoyong jyaken a Panirsirngen nyo a yanyo ji mangozay do ciring ko jinyo.


Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.


Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”


O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.


Sira rana nimanmanma makamizing so Mapasaray a Ciriciring na ni Ama ta do to am ji da nimatokod o pamahamahan da. Ta ji da nyamizing si Ama ta do to. Am o tao rana a omanoyong ji Ama ta do to am macikaop sira ji Ama ta do to.


Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”


So icyakman da sang no jya nimablis so onowned a tao a peyyayoban ko so malavang a ayob. Ji ko ngopasa o ngaran da do vakong ko a yana adketan no ngarangaran da no na yanan no to meyyonong a ikavyay no pahad. Abneken ko sira do tangain ni Ama kano tinsi a monganay jyaken.


Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.


Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.


Ta o mahap so vazay ni Ama do to a tao am ori o abneken ko a kakakteh ko a kano ina ko.”


“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.


Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.


Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.


No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.


Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.


Ta o mahap so vazay ni Ama ta do to a tao am abneken ko a kakteh ko a ina ko.”


Tana apya, tana marahet o masapa nyo am o kasaray nyo ji Ama ta do to. Ta ori rana am nakenakem na jinyo ni Ama ta do to a omanod ji Yeso Kizisto a tao.


Beken a no mangay da citahen inyo no lawpan o ikakdeng nyo a mahap so vazay da. Ta omaing do kararalay nyo ni Ama ta do to o kasaray nyo a mahap so vazay da, do kakma nyoy kalamsoyan ni Kizisto.


Ta o nakenakem na jinyo ni Ama ta do to am zazatan nyo no apiya icicirawat nyo o ji mamayok a ciring da no macioya ji Ama ta do to a tao.


Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’


O nakenakem na ni Ama ta do to am kakzeben na o kazngang no onowned nyo. Ji na mamyapyan inyo a mangzakza so icyatatao nyo.


Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.


No aneban na rana no mapeyvahay sya am meytatanek kamo do pantaw a mapaktoktow a manci no, ‘Mo kahakay, iwangan mo pa yamen an.’ Jyabo kaji na mapeyciringan sya jinyo so, ‘Ji kamo makamo am ko jyatenngi o nyo kapwan.’


So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”


Mowwamek pa o meykavokovokoz so likod a baka a lomyos do lala no rayom a kano aro so peymeymasaodan a tao a macikaop do italamozong na ni Ama ta do to.”


No si asa ka mata mo o nipeyraraten mo am to rana ngoswa. Tana asa mata a kapakasalap do italamozong ni Ama ta do to am apyapya pa ori a kano meynanod so mata mangay do kararatan.


Ko pa ipanci jinyo am mowwamek pa o meykavokovokoz so likod a baka a lomyos do lala no rayom a kano aro so peymeymasaodan a macikaop do italamozong na ni Ama ta do to.”


Maniring pa si Yeso am, “Si ji monganay do onowned nyo o to nyo peykaboboi so oyyan nyo no kakteh nyo am akman sang si Ama ta do to jinyo.”


O macioya jyaken am macioya ji Ama.


Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”


Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.


O itoro ko jira oyowyat am akman so oyowyat a nitoro na jyaken ni Ama. So icyakma dey vahalang to makaspi so vahanga a tomalamozong no karawan.


No kamo manoyong a yamakateneng jyaken am akman sang si Ama a katenngan nyo. Papwan nyo sicyaikwaya o ipakateneng nyo na jya, ta nyo na nimacita.”


Maniring si Yeso jira am, “Yato meyvazay si Ama. So ko to nginarai sya.”


Omalam a meypanam am meyrorokma. Maniring do inozi na am, “Mo Ama, no si apyahen mo am ji mo norwan jyaken o yatey rako a alalaw ko. Am ji mo na mangozai o nakenakem ko, ta ahahapan mo na sya.”


“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.


Ko pa ipanci jinyo am tana rarwa kamo a kakma nyoy yasa so nakenakem a mapasyasi ji Ama ta do to am itoro na o amin nyo jya.


Mangay sira manazang so abyab do pananazangan o jyapatapatak a mavakes am pakaransan na rana no mapazagpit a tao a kapacihza da rana jya somdep no lalima ka mapatapatak a mavakes a macihanghang jya kaneb da rana do pangengneban.


Swiv nou:

Piblisite


Piblisite