Matay 6:2 - Seysyo No Tao

² No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 6:2 Referans Kwoze

Matay 6:5

“No meynozi kamo am ji nyo nginara o tanwasiwasi so nakenakem a makza no keyyan da do peyneynozyan a kado rararahan a meynozi a amngongyod so kapacita nya do tao. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Yowani 5:41

“Ko jyakzan o da kazwazway jyaken no tao.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Locya 20:46

“Azimanen nyo sira o mangnanao no iwawalam ni Ama ta do to an. Ta da ikakza o da kapeyyaywayob so pipya ayob a mangonong do rararahan a komakzeb so tao a omraralay nira. No somdep sira do peyneynozyan am mangay sira amlisna do lilisnan no meynakem a tao. Akman so sang no macyakakan sira, ta amlisna sira do pamanongan na.

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

Cyalatay 2:10

Da kakzeben yamen a makanakem so makcin a tao do Yelosaleng. O akman rana sang am yamangday ori a yako naknakmen a vazay.

Nimlivolivon 10:4

To na nita o tinsi, ta ikamogaw na. Maniring am, “Mo Panirsirngen, ikongo mo ipanci ang.” Maniring o tinsi am, “Na imo manakem ni Ama do to, ta nimamizing na o inozi mo. Na katenngan o mo panidongan so ji makahakaw a tao.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

Nimlivolivon 24:17

“Yarana meyyawawan o ko nikarwan do Yelosaleng. Am o ko nipeysinaoli a mangay do Yelosaleng am ko yangay o kingking da no akma koy kakteh do cinai a da isidong so tao do Yelosaleng. So nyangay ko pa do rako a panaralayan a mapatanang so nakem ko si Ama ta do to.

Nimlivolivon 10:31

Maniring am, ‘Mo Kenaylyo, na nimamizing ni Ama ta do to o inozi mo. Na katenngan imo a yamanidong so tao.

Nimlivolivon 10:2

Tana beken a tao do Yotay ori am manoyong o nakenakem na ji Ama ta do to a ka nira asa ka vahay. Rako o sidongan na so ji makahakaw a tao do Yotay a kasangib na meynozi ji Ama ta do to.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Yowani 13:29

Si Yota rana am meymatmatngeh no nizpi da. Am ori o pancyan da no, “Ala na pahanhanen ori a yamangap so yata ipamaring so kanen an. No na ipanci a yamanidong so makasi a tao.”

Yowani 5:44

Nyo ikeykakza pa o da kazwazway jinyo no kadwan jinyo. Nyo jyakzan o azwazway a yapo ji Ama ta do to. Ori o yanyo ji nganoyngi jyaken.

Locya 6:42

Yanyo kapanci no akma nyoy kakteh do cinai a omlis do marahet a nakenakem da am nyo jiblisi o marahet a nakenakem nyo. Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.

Make 12:39

No mangay sira do peyneynozyan a kado pamarmarngan so kanen am ikakza da o kalisna da do pamanongan na.

Veydimeng 1:7

O pangangarilawan mo, mo Veydimeng am yatey rako na nipasarayan jyaken, na nipaitan jyaken. So da ikamimin no akma tey kakteh do cinai a yasomaray nimo.

1 Tesalonicya 2:6

Tana nipamnekan na yamen ni Kizisto a omlivolivon no Mapasaray a Ciriciring na am namen ji ngakdaya o kazwazway da jyamen no tao. So ji namen ngakdai jinyo a kano karwan no tao a zomwazway jyamen.

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Locya 13:15

Maniring si Yeso am, “Inyo rana a mapakapyapya so nakem a tao am manngwa, nyo ji pakana o makakaday a vinyay nyo do ipeywalam no tao?

Locya 12:56

Inyo rana a mapakateneteneng a tao am nyo katenngan o kacita nyo so palapalanginan am ikongo nyo ji makatenngi do vazay ni Ama ta do to sicyakwaya.

Locya 12:33

Ipanazang nyo o peymeymasaodan nyo a isidong nyo so ji makahakaw a tao. So ikanoyong nyo amyan do teyngato so peymasaodan a kano kangangay, ta abo dang o tao a tomakaw sya. Abo dang o vozsok a koman sya. So ikanoyong na no peymeymasaodan do dang a ji nyo a giji.

Locya 11:43

Inyo rana tao a macyagom do Vadisay am to kanyo makasi an. Ta nyo ikakza o nyo kalisna do pamanongan no peyneynozyan a kado karwarwan no tao a komakzeb so da kararalay ninyo no tao.

Locya 11:41

So ikazonos nyo a manta no ji makahakaw a tao. Ta ori o akma ney ikatnaw no onowned nyo an.

Locya 6:24

“Am inyo rana aro so peymeymasaodan sicyakwaya am to kamo makasi no makwa an. Ta yanyo na nimataptap o ileylamnay nyo an.

Make 7:6

Maniring si Yeso am, “O ciring na ni Isayya jinyo a yatanwasiwasi am manoyong saon am. Ta maniring am, ‘O aro a tao am da admadmain yaken no ciring da. Am onowned da am yameyparai jyaken.

Matay 24:51

Jyabo kaji na bakbakan do dang a pazanoden do yatanwasiwasi a tao a yamlavi a mapeygazicigit so ngepen a maneneseh.

Matay 23:6

No macyakakan sira am amlisna sira do pamanongan na. No somdep sira do peyneynozyan am mangay sira amlisna do lilisnan no meynakem a tao.

Matay 22:18

To na rana tenngi ni Yeso o keyleylamdam da sya. Am ori o nipancyan na no, “Inyo rana yatanwasiwasi a tao am ikongo nyo ileylamdaman jyaken.

Matay 16:3

Apnezak pa am ipanci nyo na o kacimoy na kasazowsaw na sicyaraw, do kakedep na. Kamo mateneng a yamanita so palanginan am nyo jyazab o tovil na no vazay na ni Ama ta do to sicyaikwaya.

Matay 15:7

Inyo rana yatanwasiwasi am yamanoyong o ciring no panoyonoywan na so ciring ni Ama ta do to a meyngaran so Isayya a pakacirngen na jinyo. Ta maniring am,

Matay 7:5

Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.

Matay 5:18

To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

Matay 6:3

Am ori an ji nyo meycicicyan do tao no mangazaw kamo. Tana ney yapya na kagagan nyo am ji nyo mancyan jya.

Matay 23:5

O yamakakaday a vazay da am yamamimin a yada ipacita do tao. Pangain da do kataotao da o akmey kavangan a adketan no ciring do Seysyo. Da kangednged do aywayob da yapadketan so azwazong na.

1 Kedinto 13:3

Tana to ko mangazawan o kangangay ko mangay do kataotao ko ji ko mangbeywani a isidong ko so tao, a kabo no pangangarilawan ko so icyatatao ko am abwata o kapyapyan ko nya.