Matay 5:16 - Seysyo No Tao

¹⁶ Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Matay 5:16 Referans Kwoze

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Yowani 15:8

O azwazway ni Ama am akmey asi no kayo a macita da jinyo. No si makman kamo sang am manoyong kamo a omanop jyaken.

Ivoso 5:8

Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Sipolay 10:24

Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

1 Timotay 5:25

Akman sang o tao a apya so vazay am katenngan ori. Am tana jyatenngi am abo makatayo sya.

Matay 5:45

Ta ori o ipeyngongyod nyo a akma ney anak ni Ama ta do to. Ta yameyyangay sira o apya so nakenakem a tao a kano marahet so nakenakem a tao a na cirain ni Ama ta do to no araw. So na icyakman sang no cimoy a na itoro do apya so nakenakem a kano marahet so nakenakem a tao.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

1 Timotay 2:10

Ahapen da o apiya icicirawat, ta ori o manoyong a omraralay ni Ama ta do to a mavakes.

Cyalatay 1:24

Am ori o yada rana sarayan ya ni Ama ta do to, do yako kapamlis rana a meylimwang no ciriciring na ni Yeso Kizisto.

Tito 3:4

O ipakateneng ta do pangangarilawan na kano pangangasyan na ni Ama ta do to am

1 Kedinto 14:25

O meyyomomon do onowned na a raraten am jyabo kaji na ngablisan jya a omraralay rana ni Ama ta do to, do kanoyong na do kapacikaop na jinyo ni Ama ta do to.

Locya 11:2

Maniring si Yeso jira am, “No meynozi kamo am inarahen nyo ya an. ‘Mo Ama do to, inaoy ano si mamimin o tao a zomwazway so meylimwang a ngaran mo. Inaoy si italamozong mo o karawan.

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Matay 23:5

O yamakakaday a vazay da am yamamimin a yada ipacita do tao. Pangain da do kataotao da o akmey kavangan a adketan no ciring do Seysyo. Da kangednged do aywayob da yapadketan so azwazong na.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 23:9

Ji nyo mancyan o tao do karawan a ama nyo, ta yasa o Ama nyo a Tao do to.

Matay 6:9

No meynozi kamo am inarahen nyo ya an. ‘Mo Ama do to, inaoy no si mamimin o tao a zomwazway so meylimwang a ngaran mo.