Matay 4:23 - Seysyo No Tao

²³ Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Matay 4:23 Referans Kwoze

Matay 9:35

Nilivolivon ni Yeso o peyneynozyan do peycyeylilyan na a kapangnanao na a meylimwang no Mapasaray a Ciriciring do katalamozong na rana nyaten ni Ama ta do to, a keywakwak na do meykeyngeyngen a tao.

Make 1:39

Makarahan am nikakaday ni Yeso o peyneynozyan do Cyadidi a peylimwangan no ciring na ni Ama ta do to a kavozwaw na so komovot do tao a kalamsoyan ni Satan.

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Locya 7:22

Maniring si Yeso do nitovoy ni Yowani am, “Angay kamo pancyan ji Yowani o nyo nimacita kano nyo nimamizing, do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da tao.

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Matay 13:54

a kangay na rana do ili da. So nipangnanao na do peyneynozyan no tao. Abo ji meyzokab no ciring na a makamizing sya tao. Maniring sira am, “Do wanjin na niyapwan no teneng na ya. Yamyan pa so yamapeyzokab a vazay a na mina vazay.

Make 1:21

Makaranes sira do ili do Cyapaynong am amyan si Yeso do peyneynozyan a mangnanao so tao do ipeywalam no tao.

Loma 10:15

No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

Locya 8:1

Meyratateng am nimlivolivon do peycyeylilyan na si Yeso a pangananawan na no Mapasaray a Ciriciring do katalamozong na nyaten ni Ama ta do to. O macihza jya am rarwa so ikakarwan a macinanao jya,

Make 6:2

Marateng rana o ipeywalam no tao am mangnanao si Yeso do peyneynozyan. Aro tao a somavasavak no nimamizing da ciring ni Yeso. Maniring sira am, “Do wanjin na nipakamizngan so sang. Sino yamanta nya so teneng na ang. Asyo ori yato makapeyvazay so mapeyzokab a vazay.

Matay 24:14

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Matay 12:9

Makarahan am karwan na rana do dang ni Yeso a kangay na do peyneynozyan da no tao do Yotay.

Yowani 18:20

Maniring si Yeso am, “Ko masangib a yamangnanao do da kalwalovotan no tao. So yako ikasangib a yamangnanao so tao do peyneynozyan a kado rako a panaralayan. So yana ikabo no yako powziben a ciring ko.

Locya 13:10

Ipisa kapeywalam no tao am mangnanao do peyneynozyan si Yeso.

Locya 9:11

Katenngan da no aro a tao am macihza sira mangay. So nirapongan na sira ni Yeso kapanci na nya so katalamozong na nyaten ni Ama ta do to a kapangiwakwak na so aro a meykeyngeyngen a tao.

Locya 5:17

Ipisa mangnanao si Yeso am amyan so makanateng a tao a macyagom do Vadisay a kano mangnanao no iwawalam ni Ama ta do to. Sira rana ori am nimapo sira do Yelosaleng a kado peycyeylilyan na do Cyadidi a kado Yotay. Ikongo do nioyatan na ni Ama ta do to si Yeso, am ori o nipangiwakwak na so meykeyngeyngen a tao.

Make 6:6

Am ori o nyeyyakan na nira, ta ji sira manganoyong o aro a tao. So ji na nimacimazai do kalivolivon na do peycyeylilyan na mangnanao so tao.

Make 3:10

Ikongo do tey yaro o tao a niwakwakan na, am ori o ikatey yaro no meyngen a tao a mai do tangain na a mangay minan jya.

Make 1:14

Aneban da si Yowani am mangay si Yeso do Cyadidi a meylimwang no Mapasaray a Ciriciring na ni Ama ta do to.

Nimlivolivon 20:25

“No keyyan ko pa jinyo am nipanci ko na jinyo o omagaz do italamozong na ni Ama ta do to. Am ko na to mancyan jinyo am ji nyo na cita yaken.

Nimlivolivon 18:4

Mangday so ipeywalam no tao yangay ni Pawlo do peyneynozyan a macinekanekad, kananao na so tao do Yotay a kano tao do Sila. Ta kakdain na sira omanoyong ji Yeso.

Yowani 6:59

O ciring rana ori am ciring ni Yeso no kapangnanao na do peyneynozyan do Cyapaynong.

Locya 10:9

a kapangiwakwak nyo so meykeyngeyngen a tao do dang an, kapanci nyo nya do aro a tao so na kakeykai rana a yatomalamozong ninyo ni Ama ta do to.

Locya 6:17

Omosok rana sira am meytatanek sira do rako a karatayan. So niyan da do dang no aro a macilocilolo jya kano aro a nimapo do Yelosaleng a kano peycyeylilyan na do Yotay a kano masngen do awa a ili a meyngaran so Tayar a kano Siton,

Matay 14:14

Makaranes si Yeso do pamsan na am macita na o aro a tao. So nikarilawan na nira. Am ori o niwakwakan na do ingingnen da no meyngen a tao.

Matay 13:19

O tao a makamizing so nanao a omagaz do italamozong na ni Ama ta do to a kaji makatenngan jya am akman so nizomsi do rarahan ang. No mai si Satan am pehsen na jya o ciring na ni Ama ta do to amyan do onowned na.

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Yowani 7:1

Makarahan am nilivolivon ni Yeso o peycyeylilyan na do Cyadidi. So ji na rana kei no kangay na do Yotay, ta naknakmen da no tao do Yotay si Yeso a zakaten.

Locya 20:1

Ipisa kapangnanao na ni Yeso no Mapasaray a Ciriciring do rako a panaralayan am amyan so panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan da a mangay tomita sya,

Locya 4:14

Meysinaoli si Yeso a mangay do Cyadidi am oyatan no Seyzi na ni Ama ta do to. Am ori o nipeylimwang na rana no ngaran na do dang.

Locya 6:6

Ipisa kapeywalam no tao am somdep si Yeso do peyneynozyan da mangnanao so tao. Am amyan dang so asa ka tao a meykazakazain so lima do wanan na.

Locya 7:21

Nimacinao no kano nang o kaniomiwakwak na ni Yeso so aro a meykeyngeyngen a kano kovotan no kalamsoyan ni Satan a tao a kano mavota a tao.

Locya 9:60

Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am apyapya pa kangay mo meylimwang no Mapasaray a Ciriciring do na katalamozong ninyo ni Ama ta do to.”

Locya 16:16

“Oyowyat no nitaid ni Moyse a kano panoyonoywan na so ciring ni Ama ta do to am o nimanaktak a si Yowani o pamindan na a kapeylimwang rana no Mapasaray a Ciriciring, do na katalamozong ninyo ni Ama ta do to. Ta abo tao a jyakza no katalamozong na nira.

Nimlivolivon 28:31

a kapangnanao na no italamozong na ni Ama ta do to a kano omagaz ji Yeso Kizisto a Panirsirngen ta. So ikabo no ikamogaw na. So ikabo rana no itaysang a omza sya a meylimwang no ciriciring na ni Ama ta do to.