Matay 3:6 - Seysyo No Tao

⁶ Ipanci da o raraten da. Am ori o nitaktakan na jira ni Yowani do meyngaran so Yotan a ayo.

Matay 3:6 Referans Kwoze

Nimlivolivon 19:18

So nikaro no amraralay ni Yeso a tao a mai a mapatwaw so nikaratan da no kakwa do tangain no aro a tao.

1 Yowani 1:9

Am no si ji ta naywa o raraten ta ji Ama ta do to a yaji mapeycyakaban so tao am vonasen na o raraten ta, do kapangononong na do ciring na. So icyakma tey nikowyasan a malavang so onowned a abo rana so karatan.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Sipolay 6:2

a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.

Kelosi 2:12

Ta o peypeypangayan no da kataktak jinyo am yongkad no kapacizanod no raraten nyo a yakmey nimacikawakwak ji Kizisto. So icyakman nyo sang a akmey to nimacizanod ji Kizisto a nimirwa a mavyay, do kanoyong nyo do mapeyzokab a oyowyat na ni Ama ta do to a nimapeyvangon sya.

Nimlivolivon 22:16

Am ori o ji mo meypahahai. Peyvangon rana a kapamlis mo na so nakenakem. Tawagan mo o ngaran ni Yeso a omvonas so raraten mo a kataktak da jimo.’ Ori o ciring na jyaken ni Ananiya.

Nimlivolivon 11:16

Ori o nipakanakman ko so mina ciring na no Panirsirngen ta a si Yeso. Maniring am, ‘Si Yowani rana am nitaktakan na inyo no ranom. Am do kadadayan no araraw am meyhekas jinyo o Seyzi.’

Locya 3:16

Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo.

Make 1:5

Aro tao a nimapo do peycyeylilyan na do Yotay a kado Yelosaleng a mangay do tangain na ni Yowani. Sira rana am ipanci da o raraten da. Am ori o nitaktakan na jira ni Yowani do ayo a meyngaran so Yotan.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.

Locya 1:16

Ta iya o mapeysinaoli sira so aro a Isedi a tao a omraralay ni Ama ta do to a manoyong a Tao do to da.