Matay 3:15 - Seysyo No Tao

¹⁵ Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Matay 3:15 Referans Kwoze

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 15:10

No si pangozain nyo o nanao ko am manoyong kamo na mapeyyan sya do onowned nyo so pangangarilawan ko. Akman jyaken yaomonot do ciring na ni Ama a yamapeyyan sya do onowned ko so pangangarilawan na.

Yowani 13:15

Yamyan rana so yako nipacita jinyo. So to nyo vangovangoni sya peyvazain an.

1 Yowani 2:6

O tao rana manci no kapacikaop na ji Ama ta do to am inarahen na an o icicirawat ni Kizisto no keyyan na pa do teyrahem eya.

Locya 1:6

Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to.

Yowani 8:29

Yabo na ji nidongi jyaken ni Ama a yanitomovoy jyaken do teyrahem. Ko peyvazain o na isaray ni Ama. Am ori o na jya to paveyvowi jyaken.”

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.

Matay 3:14

Am naknakmen ni Yowani o kazazat na do nakenakem ni Yeso. Maniring ji Yeso am, “Beken a yaken o taktakan mo a. Ikongo mo yai jyaken.”