Matay 26:53 - Seysyo No Tao

⁵³ Manngwa, mo jyatenngi yaken? Ta si tawagan ko si Ama am jyabo kaji na manovoyan so makazivo a tinsi a somidong jyaken a.

Matay 26:53 Referans Kwoze

Matay 4:11

Makarahan am karwan na rana si Yeso ni Satan a kai no aro a tinsi ni Ama ta do to a somidong sya.

Locya 8:30

Maniring si Yeso jya am, “Sino ngaran mo.” Pasapan na am, “Si Malavong.” Ta aro a kalamsoyan ni Satan a komovot jya.

Yota 1:14

Amyan rana so ciring na a pagazen na jira do ikapito da tapilan no sivosivovoong na ni Adam a meyngaran so Inok. Maniring am, “Cita kamo o Panirsirngen ta a yamapalolo so yameykalaklaksa a tinsi a yamai do karawan,

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

Matay 25:31

“No si meypanirsirngen o Nipamnekan na ni Ama ta do to a tao a macihza do tinsi ni Ama ta do to am amlisna do mazway a lilisnan na.

Make 5:9

Maniring si Yeso am, “Sino ngaran mo.” Maniring am, “O ngaran ko am Si Malavong, ta namen malavong.”

Make 5:15

Makaranes sira ji Yeso am macita da o nikovotan no aro a kalamsoyan ni Satan a amlisna do dang a apiya rana so ayob a makownong rana do nakenakem na. Am ori o nikarahet da so onowned a to rana nyahey, ta tey arako oyowyat ni Yeso.

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Yowani 18:36

Maniring si Yeso am, “Yaji yapo do tao do karawan o yako ipanalamozong. Ta no si ori am jyabo kaji da ngagoman nyaken no yaomanop jyaken a tao a kaji da makahapan jyaken no panipanirsirngen no tao do Yotay a. So ko ji monganai do karawan.”