Matay 26:42 - Seysyo No Tao

⁴² Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”

Matay 26:42 Referans Kwoze

Matay 26:39

Omalam a meypanam am meyrorokma. Maniring do inozi na am, “Mo Ama, no si apyahen mo am ji mo norwan jyaken o yatey rako a alalaw ko. Am ji mo na mangozai o nakenakem ko, ta ahahapan mo na sya.”

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Matay 6:10

Inaoy no italamozong mo o karawan. Inaoy no mai jyamen do teyrahem o apiya ahahapan mo sya do teyngato.

Matay 20:22

Maniring si Yeso am, “Nyo jyatenngi o yanyo kakzeben. Manngwa, mahap nyo o rako a alalaw ko an?” Maniring sira am, “Noon, mahap namen.”

Matay 26:43

Meysinaoli do macinanao jya am macita na pa sira mitkeh, ta tey makaha rana sira.

Make 14:36

Maniring pa am, “Mo Ama, yabo mo jya peyvazay. So pakarwan mo so alalaw eya an. Am ji mo na mangozai o nakenakem ko. Ta ahahapan mo na sya.”

Locya 22:42

Maniring am, “Mo Ama, no si apyahen mo am pakarwen mo o yamasagpaw a alalaw ko an. Am ji mo mangozai o nakenakem ko, ta kapangozay mo do nakenakem mo.”

Yowani 6:38

Ta yaken rana am ko apo do teyngato. So ko ji to mangozai do nakenakem ko. Ta ko pangozayan o nakenakem no yanitomovoy jyaken.