Matay 23:12 - Seysyo No Tao

¹² Pavevehen na ni Ama ta do to o mapahama so nakem a tao a kakatkat na sira so ji makazyazyak a tao.

Matay 23:12 Referans Kwoze

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

Locya 14:11

Ta o mapakarakarang a tao am mangay na pavevehen ni Ama ta do to. O ji makazyazyak a tao am peypakatkaten na sira ni Ama ta do to.”

Locya 18:14

Maniring pa si Yeso am, “Ko pa ciring jinyo am no si mangay sira o yararwa ka tao ori am o abneken a apya so iyangay a tao do tangain na ni Ama ta do to am o yamapeyvazay so deyking a tao ori an. So ikabeken a tao a macyagom do Vadisay ori. Ta si Ama ta do to am peypavevehen na sira o mapakarakarang so nakem a tao a kapeypakatkat na sira so ji makazyazyak a tao an.”

Matay 18:4

O akman so kanakan eya ji makazyazyak am ney rakeh na do italamozong na ni Ama ta do to.

Matay 5:3

“O tao a omanoyong do kataotao da a ji makanet so nakenakem ji Ama ta do to am tey yapya sira. Ta macizanod sira do italamozong ni Ama ta do to.

1 Pite 5:6

Pavevehen nyo o nakem nyo do tangain ni Ama ta do to. Ta amyan so araraw na no pakatkatan na jinyo ni Ama ta do to.