Matay 2:23 - Seysyo No Tao

²³ O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Matay 2:23 Referans Kwoze

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Matay 26:71

Karahan am mangay do ngoso no pazezevngen am macita na pa no asa ka mavakes a lamlamsoy da. Maniring do aro a tao a amyan dang am, “O tao eyto am kararay na ori no tao do Nasale a meyngaran si Yeso.”

Matay 1:22

O aro a vazay eya am todey mangononong do mina ciring no panoyonoywan na so ciring ni Ama ta do to. Ta o mina ciring na am,

Nimlivolivon 24:5

Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 2:22

Maniring pa si Pite am, “Inyo rana Isedi a tao a keylyan ko am amizngen nyo o ciring ko an. Ta si Yeso rana tao do Nasale am nitovoy na ni Ama ta do to. Oyowyat na kano mapeyzokab a vazay na rana ni Yeso am yongkad na ori do mina katovoy na sya ni Ama ta do to. So nyo ipakateneng do akman sang a vazay. Ta mina vazay na ya do tangain nyo an.

Yowani 19:19

Amyan so nivatvatkan no lamlamsoy ni Pilato a nipayoray na do jyojika ni Yeso. O peypeypangayan no vatvatek am, “Si Yeso rana am tao do Nasale a Panirsirngen da no tao do Yotay.”

Yowani 18:7

Maniring pa si Yeso jira am, “Sino nyo kalahen.” Maniring sira am, “O tao do Nasale a meyngaran so Yeso.”

Yowani 18:5

Maniring sira am, “O tao do Nasale a meyngaran so Yeso.” Maniring si Yeso am, “Yaken nyo ipanci ang.” O meyngaran so Yota a manazang nya am macizasing jira.

Locya 2:39

Mateyka da rana da Yoseyvo a kani Madiya tomoyotoyon sya no iwawalam da am meysinaoli rana sira do Cyadidi do ili da do Nasale.

Locya 1:26

Ikanem na vehan ni Idisapay am tovoin na ni Ama ta do to o tinsi a meyngaran si Cyapaydi a mangay do ili a meyngaran so Nasale a macinapnap do Cyadidi,

Matay 21:11

Maniring sira o aro a tao a macihza ji Yeso am, “Iya rana am yapo do Cyadidi a yameyvahay do Nasale a panoyonoywan na so ciring ni Ama ta do to a meyngaran so Yeso.”

Make 1:9

Makarahan am mai si Yeso a apo do Nasale a ili a macinapnap do Cyadidi kataktak na ji Yeso ni Yowani do ayo a meyngaran so Yotan.

Locya 18:37

Maniring sira o tao jya am, “Yameyhatay do jya o tao do Nasale a meyngaran si Yeso.”