Matay 19:8 - Seysyo No Tao

⁸ Maniring si Yeso am, “Nipya ni Moyse sira o ineynapo nyo a yamapakaro so katovong da do vahay. Am o na nipyan sira am sira akman jinyo a tey rahet, jya pasovoy a tao. Ta no ka ori pa so kapangamaog ni Ama ta do to so karawan am jya nimakman so sang.

Matay 19:8 Referans Kwoze

Make 10:5

Maniring si Yeso jira am, “O nipadketan na so sang ni Moyse am tey rahet kamo jyapasovoy.

1 Kedinto 7:6

O ciring rana ya am beken a ko ipasonson jinyo. Ta ko ikarilaw inyo.

Matay 8:31

Maniring sira o kalamsoyan ni Satan a mapasyasi ji Yeso am, “No si vozwawen mo yamen am to mo rana amya yamen a mangay komovot do kois ito.”

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Matay 19:7

Maniring o tao a macyagom do Vadisay jya am, “No ori am to na mancii nya ni Moyse do ineynapo ta so sang a iwawalam a manci no kapya no kapeyvatvatek so vakong a itoro do pakarwen a mavakes.”

Matay 19:9

To ko na macitangayan jinyo am no ji da panadnada inyo no kataned nyo do vahay a mavakes am ori o ikakman nyo so sang. Am no abo a kato nyo pakarwan so kataned nyo do vahay a kangay nyo pa mapasakay so asa ka tao am raraten nyo rana ori.”

Make 16:14

Ney manowji na am mapacita si Yeso do koman a asa so ikakarwan a macinanao jya. Am nioya na sira, ta malma sira so nakenakem ji Ama ta do to a akmey vato so onowned a ji nganoyong do ciring da no tao a nimakacita sya a nimirwa a mavyay.