Matay 19:16 - Seysyo No Tao

¹⁶ Ipisa am amyan so tao a mangay ji Yeso. Maniring am, “Mo Mangnanao, makongo ko so wanjin a meyvazay so apya vazay a kapakahap ko so to meyyonong a ikavyay no pahad ko.”

Matay 19:16 Referans Kwoze

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.

Yowani 3:15

So ikamimin no omanoyong jyaken a tao a makahap so to meyyonong a ikavyay no pahad da.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

1 Yowani 1:2

No kai na do teyrahem am manoyong o kanimakacita namen sya. Am ori o namen peylimwangan nya jinyo so to meyyonong a ikavyay no pahad ta. Ta iya o yapwan no to meyyonong a ikavyay no pahad ta, a nimacitovong ji Ama ta do to do teyngato a nimacikaop jyamen.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.

Tito 1:2

O peypeypangayan na rana no nanao eya am ipakahap ta so to meyyonong a ikavyay no pahad ta. Manoyong o nipanci na a itoro na jyaten no kaji na pa mangamaogan so karawan. Ta si Ama ta do to rana am abo kalalasan na.

1 Timotay 6:19

No si akman sira sang am akma dey peyparwen o peymeymasaodan da ji Ama ta do to a keyyan na pa no to meyyonong a ikavyay no pahad da.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

Nimlivolivon 16:30

Meyratateng am powboten na sira. Maniring jira am, “Manga kahakay, makongo ko so wanjin a kapakahap ko so to meyyonong a ikavyay no pahad ko.”

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Yowani 12:25

O ambeywan do inawan na a tao am mapehes jya o inawan na. O tongbo so inawan na do karawan eya am mahap na o to meyyonong a ikavyay no pahad na do teyngato.

Yowani 10:28

Ipanta ko sira so to meyyonong a ikavyay no pahad da. So ji rana meydednai jira no peyoyaoyyan na ni Ama ta do to. So ikabo no tao a makapehes sira do lima ko.

Yowani 6:68

Maniring si Simong Pite am, “Mo Panirsirngen, imo saon na yanan no nanao no to meyyonong a ikavyay no pahad namen. Sino pa o pacilolwan namen.

Yowani 6:47

To ko na macitangayan jinyo am omanoyong jyaken a tao am mahap da o to meyyonong a ikavyay no pahad da.

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

1 Timotay 1:16

Am kanikasi na nyaken ni Ama ta do to. Ta si Yeso Kizisto am manoyong a nimapapalit do nakenakem ko a meyraraten a tao. Na jyahaywan yaken a tey rako so raraten a tao. So ipakateneng da rana do pangangarilawan na ni Ama ta do to no manownowji amraralay nya tao, kapakahap da rana so to meyyonong a ikavyay no pahad da.

Matay 19:26

Maniring jira si Yeso a tomita sira am, “O masalit do tao am mowwamek ji Ama ta do to. Ta abo ji na peyvazay ni Ama ta do to.”

Matay 19:15

Karahan am ipanlanlag na sira ni Yeso a kakaro na rana do dang.