Matay 16:16 - Seysyo No Tao

¹⁶ Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 16:16 Referans Kwoze

Matay 14:33

O macikavang ji Yeso a macinanao jya am iraralay da rana si Yeso. Maniring sira am, “Namen anoyngan imo a Anak ni Ama ta do to.”

Yowani 11:27

Maniring si Marta am, “Mo Panirsirngen, ko anoyngan. Ko anoyngan imo a Misayya a mai do karawan a Anak na ni Ama ta do to.”

1 Yowani 4:15

No amyan so tao a manci no kanoyong na ji Yeso a Anak na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya.

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

1 Timotay 4:10

O yata ikowyat a yamahap so vazay na ni Ama ta do to am ta ipeyhanhan si Ama ta do to a mapatazadang jyaten. Ta iya rana am to meyyonong a mavyay a Tao do to. Am o meyhanhan nya o avyain na.

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

1 Yowani 5:5

Sino sira o makaharag so marahet a vazay do karawan. Omanoyong ji Yeso Kizisto a Anak ni Ama ta do to a tao am ori saon o makaharag sya.

Sipolay 10:31

Si Ama ta rana do to am to meyyonong a mavyay. Am ori o to da makasii no pasingsingtan na tao!

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.

Make 14:61

Abo o asa ka ciring a nipanci na ni Yeso. Maniring pa ji Yeso o panirsirngen da no mapatanatanang so nakem da si Ama ta do to am, “Manngwa, manoyong ka ya Misayya a Anak ni Ama ta do to?”

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

1 Timotay 3:15

Am no si kahahay ko am cyaha, ta to ko na mancyan jinyo do teygami ko o iwawalam ta. Ta yaten rana amraralay ni Ama ta do to am akma tey asa ka vahay rana, do yana katketken jyaten ni Ama ta do to no ciriciring na no to meyyonong a mavyay a Tao do to.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

2 Kedinto 3:3

Kamo mapayok a akma ney teygami ni Kizisto a yana nivatvatkan a yana niparara jyamen. O teygami rana ya am beken a yana nivatvatkan ni Ama ta do to no ipeyveyvatvatek do mataripis a vato a nitaid na ji Moyse. Ta nivatvatkan no Seyzi no to meyyonong a Tao do to do onowned no tao.

Nimlivolivon 14:15

“Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Nimlivolivon 8:36

Meyratateng am manahan sira do masngen do ranom. Maniring o tao do Isopiya am, “Yamyan jya so ranom. Apya o kataktak mo jyaken do jya?”

Yowani 6:69

Namen anoyngan o yamo kanimapo ji Ama ta do to a ji meylimoteng so onowned.”

Matay 1:16

O anak na ni Yakebo am si Yoseyvo a kahanghangan ni Madiya. O meyngaran si Yeso am anak na ni Madiya. Si Yeso am Misayya.

Matay 16:15

Maniring si Yeso jira am, “Manngwa, sino kwan nyo yaken.”

Locya 2:11

Sicyaraw rana ya am yanimatazak a tao o asa ka Panirsirngen nyo do karawan eya do ili ni Tawey. Iya rana am si Kizisto a mapatazadang jinyo do teyngato.

Yowani 6:57

Yamacikaop jyaken si Ama a yanitomovoy jyaken do teyrahem a yana yapwan no to meyyonong a ikavyay no pahad no tao. So icyakman da sang no koman so kataotao ko a macirapa jyaken so inawan.

Yowani 6:68

Maniring si Simong Pite am, “Mo Panirsirngen, imo saon na yanan no nanao no to meyyonong a ikavyay no pahad namen. Sino pa o pacilolwan namen.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Ipaziman 7:2

Macita ko o asa ka tinsi apo do daddan no araw a meypinan so akmey ipadedket a yongkad ni Ama ta do to a amlolos a tomawag do nipanta na ni Ama ta do to so oyowyat a papat a ka tinsi a tey mowyat a to rana mapeykaraherahet so karawan a kano awa.

Nimlivolivon 8:37

[Maniring si Veydipo am, “Si manoyong o onowned mo am ori o taktakan ko jimo.” Maniring am, “Ko anoyngan si Yeso a Kizisto a Anak ni Ama ta do to.”]