Matay 13:8 - Seysyo No Tao

⁸ O zomsi do apya so tanatana am apiya o kalidalida na a kapakapya na rana malasi. So iyan no makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Matay 13:8 Referans Kwoze

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Matay 13:23

O nizomsi do apya so tanatana am katonodan no tao a omamizing so ciring na ni Ama ta do to a makateneng rana jya a pangozayan a peyvazain. So icyakma ney malasi so makapoo (100) a kano sikanem a ngarnan (60) a kano sikatlo a ngarnan (30) so kasahasahang.”

Yowani 15:8

O azwazway ni Ama am akmey asi no kayo a macita da jinyo. No si makman kamo sang am manoyong kamo a omanop jyaken.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Loma 7:18

Ko katenngan o na kabo no apya do onowned ko. Tana ko tey kakza ahapen o apya vazay am ko jyapakongo a yapeyvazain.

Matay 13:7

O zomsi do katamtamkan na am tana amlida am ji malasi. Ta kaongongan no aro a tamek.

Make 4:8

O zomsi do apya so tanatana am apiya o kalidalida na a kapakapya na rana malasi. So iyan no malasi so sikatlo a ngarnan (30) a kano sikanem a ngarnan (60) a kano makapoo (100) so asi.”

Make 4:20

O nizomsi rana do apya so tanatana am akman so tao a omamizing so ciring na ni Ama ta do a meyngongyod a meyhanhan nya do onowned da. So icyakman da so aro so asi a kayo.”

Locya 8:8

Amyan so nizomsi do apya so tanatana am ori o ney yapya na so ininsyan. Omsi am nikaranaranaw o asi na.” Pakavosen na o kapangnanao na am amlololos a manci no, “Amizngen nyo an, peyyanen nyo do onowned nyo ori an.”