Matay 12:8 - Seysyo No Tao

⁸ Ta o Nipamnekan na ni Ama ta do to a tao o yameymatmatngeh no araraw no ipeyweywalam no tao.”

Matay 12:8 Referans Kwoze

Locya 6:5

Maniring pa jira si Yeso am, “O Nipamnekan na ni Ama ta do to a tao o meymatmatngeh no araraw no ipeywalam no tao.”

Make 2:28

Am ori an o Nipamnekan na ni Ama ta do to a tao am iya o meymatmatngeh no ipeywalam no tao.”

Matay 9:6

Ta ko kakzeben inyo a makateneng do oyowyat ko a Nipamnekan na ni Ama ta do to a tao a makavonas so raraten no tao.” So pancyan na nya do meyngen a tao so, “Tanek rana kahap mo so ireyrayan mo a mangay rana do vahay nyo.”

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.

1 Kedinto 16:2

Mangday ka niciyo na o kamimin nyo a mapasina do nizpi nyo a nimahap nyo a kakpeh nyo sya. Am to nyo palolwa do karwaro no nimahap nyo a nizpi o pasinahen nyo. Ji nyo nanala yaken, ta to nyo ngonongonongi o kapeysinsinmo nyo sya.

1 Kedinto 9:21

Akman sang no kapacikaop ko do beken a tao do Yotay. Ta ko inarahen sira a ji ngahap so iwawalam na ni Moyse, do ko kahap sira yapanopen. Am beken a kaji ko ngonotan do iwawalam na ni Ama ta do to. Ta yako pangozayan o iwawalam na ni Kizisto.

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Matay 12:32

O komolala jyaken a Nipamnekan na ni Ama ta do to a tao am mavonas o akman sang a raraten. Am omraherahet so Seyzi na ni Ama ta do to a tao am to rana meyyonong a jyavonas o akman sang a raraten.

Matay 12:40

Mina katlo araw a kano katlo ahep si Yena nimyan do velek no rako a among. Akman ko sang a Nipamnekan na ni Ama ta do to a tao a amyan do oned no tana so makatlo araw a kano katlo ahep.