Matay 10:41 - Seysyo No Tao

⁴¹ O tomaotao so lamlamsoy ni Ama ta do to am pazanoden na sira do yazaw na so lamlamsoy na. O tomaotao so ji meylimoteng so onowned a tao am pazanoden na sira ni Ama ta do to do yazaw na so ji meylimoteng so onowned a tao.

Matay 10:41 Referans Kwoze

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

2 Yowani 1:8

Makapzat kamo an. Ta ori o iyan no kakownongan no vazay namen jinyo. So ikanoyong nyo a makahap so nakem na jinyo ni Ama ta do to no makwa.

1 Kedinto 9:17

No si to ko minaknakman o kapeylimwang ko no ciriciring na ni Ama ta do to am manoyong o kapangakday ko jinyo. Am na kanitomoro nya jyaken so akman sya vazay ko. So ko anoyngan jya ney makdeng na vazay ko.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 6:18

Taosya o kapakatovil da jinyo no tao a jya nimangakaday a meynozi, ta katenngan na inyo ni Ama ta do to. So iyan no yazaw na jinyo ni Ama ta do to.

Loma 16:23

O yako pacivahayan a meyngaran so Cyayo a yamrara so sinjya a yameynozi do vahay da am yakman sang a yameyminaminasi ninyo. Si Ilato a yatomalamozong no nizpi do keymiminili namen ya kani Kose am yakman sang sira yameyminaminasi ninyo.

Matay 6:6

No meynozi kamo am somdep kamo do vahay a kapangneb nyo a mapasyasi ji Ama ta do to. Ta iya o makacita jinyo do sahad no vahay nyo. So amizngan na jinyo.

Nimlivolivon 16:15

Teyka namen a taktakan o mavakes ori a kano macivahay jya tao am maniring jyamen am, “No si milamdam nyo yaken so onowned a yameyngongyod a omanoyong ji Yeso am mai kamo a misan do vahay ko an.” So nitaidan na jyamen a peysanen.

Matay 6:4

Ta si Ama ta do to a makacita jinyo a mapowzowzib so kapangazaw nyo am amyan so yazaw na jinyo.

Matay 6:1

“Makapzat kamo. Ji nyo mapacitacittan o kakdekdeng nyo a manaralay do tangain no tao. Ta no si makman kamo so sang am ji nyo ngakzeba o keyyan no yazaw na jinyo ni Ama ta do to.

Matay 7:8

Ta o mapasyasi jya, komala sya, tomawag jya am mahap da o isidong na sira.

Matay 25:44

No maniring rana sira am, ‘Mo Panirsirngen, no kango o kapakacita namen jimo a makcin. No kango o kapakacita namen jimo a mawaw am mangilili. No kango o kabo no ayob mo. No kango o keyngen mo. No kango o kapteng da jimo. No kango o kato namen macipanadngan jimo a ji nidonga.’

Matay 25:45

No maniring rana o Panirsirngen am, ‘To ko na macitangayan jinyo am no ji nyo nidonga o ipangoyongoyod no tao am yaken rana ori a ikasekeh nyo a sidongen.’