Matay 10:2 - Seysyo No Tao

² O ngarangaran da no macinanao jya am yadomket do jya. Ney manma na am si Simong, kasaing no ngaran na am si Pite, a kani wari na a meyngaran si Antele a kano anak ni Sipitay a meyngaran si Yake a kani wari na a meyngaran si Yowani,

Matay 10:2 Referans Kwoze

Nimlivolivon 1:13

Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Matay 4:21

Alikey pa o nyalaman na am macita na ni Yeso o anak na ni Sipitay a meyngaran so Yake a kano kakteh na si Yowani a kano ama da a si Sipitay a tomonod so nyayoma da tawaz do tatala da. Macita na sira ni Yeso am tawagan na sira.

Yowani 12:22

Karahan am mangay na ipanci ni Veydipo ji Antele a kapeyheza da mangay manci nya ji Yeso.

Yowani 6:8

Maniring o asa ka macinanao jya meyngaran so Antele a kakteh ni Simong Pite am,

Locya 5:10

O anak ni Sipitay a meyngaran si Yake a kani Yowani am akman sira so sang a omyak nya. Maniring si Yeso ji Simong am, “Ji ka nyahey an, ta papwen mo sicyaraw eya o kakma moy mangahahap a tao a mapanop so aro a tao.”

Matay 4:18

Mangonong si Yeso do pasalan no rako a meybebneng a ranom a ngaranan da Cyadidi am macita na o rarwa ka tao a mangahangahahap a ngaranan da si Pite a si Simong a kano kakteh na a meyngaran so Antele a amzoyo no tawaz da.

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

1 Kedinto 15:7

Meyratateng am mapacita pa ji Yake a kangay na pa mapacita do nipamnekan na amlivolivon no ciriciring na tao.

Nimlivolivon 12:2

a kawakwak na sya no ipangan si Yake a kakteh na ni Yowani.

Nimlivolivon 3:1

Ipisa do ikatlo na vatvatek do makoyab am nimangay si Pite a kani Yowani do rako a panaralayan, ta ori o vatvatek no toki a ipeyneynozi da.

Nimlivolivon 1:26

Mateyka da ori a ciring am masipangoyongoyot sira a kapakahap da so meyngaran so Matiya a kapacirapa na rana do asa so ikakarwan (11) a nipamnekan na ni Yeso a omlivolivon no ciriciring na.

Yowani 21:24

O ney kaglaw na ni Yeso a macinanao jya o yamapatwaw so aro a vazay eya a na kavatvatek jya. So namen pacyanoyngan do ciring na a tey manoyong.

Yowani 21:20

Meyvazingowngaw si Pite am macita na o ney kaglaw na macinanao ji Yeso a macihza jira. Iya rana ori am nimacitangked ji Yeso no kakan da a mapacici sya do keyyan no tao a manazang nya.

Yowani 21:2

No kano nang am nimalovot sira Simong Pite a kani Tomase a meyngaran pa so Nimeytovong a nimatazak a tao a kani Natannay a tao do Cyana do Cyadidi a kano rarwa ka anak ni Sipitay a kano rarwa pa dang a kararay da a macinanao ji Yeso.

Yowani 20:2

Karahan am malalayo a mangay ji Simong Pite a kano ney kaglaw na ni Yeso a macinanao jya. Maniring jira am, “Da nyahap si Yeso do heseb na. Namen jyatenngi o da nipangayan sya.”

Yowani 13:23

Asa do macinanao jya o ikaglaw ni Yeso a macitangked ji Yeso.

Locya 22:14

Maseyrem am macihanghang si Yeso do nipamnekan na amlivolivon no ciriciring na.

Locya 22:8

Am ori o nitovoyan na ni Yeso si Pite a kani Yowani. Maniring jira am, “Mangay kamo pa manita so pamaringan ta so kanen an.”

Locya 9:10

No kapeysinaoli da no rarwa so ikakarwan a nipamnekan na ni Yeso a amlivolivon no ciriciring na am kakadain da o mina vazay da ipanci jya, kapalolo na sira ni Yeso a komaro do dang a kangay na nira do asa ka ili a meyngaran so Peysayta.

Make 13:3

Amyan si Yeso do tokon a meyngaran so Kanlan do katovangan na no rako a panaralayan. Omlisna si Pite a kani Yake a kani Yowani a kani Antele am pacicin da si Yeso.

Make 1:29

Karwan na o peyneynozyan ni Yeso am mangay do vahay da Simong a kani Antele. Macita ni Yake a kani Yowani am macihza sira mangay.

Matay 26:37

Karahan am palolwen na si Pite a kano rarwa ka anak no meyngaran so Sipitay. So niyapo na rana dang no keyngen na rana so onowned ni Yeso.

Matay 20:20

O mavakes ni Sipitay a kano rarwa ka anak na mahakay am mangay sira ji Yeso a kapeylilitod no mavakes do tangain ni Yeso a mapasyasi jya.

Matay 17:1

Ikanem na araw am palolwen ni Yeso si Pite a kani Yake a kani Yowani a meyketeh a mangay do makarang a tokon.

Ipaziman 22:8

Yaken rana am si Yowani ko. Manoyong o kanimakacita ko so aro a vazay eya. Mamizing ko a macita am meylilitod ko do tangain no tinsi a nimapacita jyaken so aro a vazay eya a amraralay nya.

Ipaziman 1:1

O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.

3 Yowani 1:1

Yaken rana am cyozo ko a yameyteygami ni Cyayo a ney kaglaw ko a akma koy kakteh do cinai.

Ipaziman 18:20

“Somaray kamo do teyngato, ta yarana nimabalinas o rako a ili a meyngaran so Papilon. Inyo a yaomanop ji Ama ta do to a kano amlivolivon no ciriciring na ni Ama ta do to a kano panoyonoywan na so ciring am somaray kamo, ta na rana nipangonong inyo ni Ama ta do to. So na rana nipasingsingtan jya.”

Make 6:30

Meysinaoli sira ji Yeso o nipamnekan na a omlivolivon no ciriciring na am ipanci da rana ji Yeso o mina vazay da no kapeylimwang da no ciriciring na.

Yowani 6:67

Maniring do rarwa so ikakarwan a macinanao jya am, “Manngo kamo. Akman kamo sira ori a mangay rana an?”

Yowani 6:70

Maniring si Yeso am, “Ko inyo nipamnekan a yararwa so ikakarwan am yamyan jinyo so yasa ka tao a yana italamozong ni Satan.”

Yowani 6:71

O ciring rana ori am pakacirngen na ni Yeso do tao do Isecyadi a anak ni Simong a meyngaran so Yota. Iya rana am ikararwa da so ikakarwan a omanam pa o kapanazang na ni Yeso.