Make 9:35 - Seysyo No Tao

³⁵ Meyratateng am amlisna si Yeso karara na so rarwa so ikakarwan a macinanao jya mai do tangain na. Maniring jira am, “O amnakenakem so keyyan na do kakarangan na am masipanownowji ori a omilamnay so aro a tao an.”

Make 9:35 Referans Kwoze

Locya 22:26

Am ji kamo akman so sang an. Ta o pakarakehen nyo am ji na pahama o nakem na. O panirsirngen am inarahen na o kakma ney lamlamsoy a manidong so tao.

Matay 23:11

No si myan jinyo so ney rakeh na am inarahen na o kakma ney lamlamsoy a omilamnay jinyo.

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

Locya 18:14

Maniring pa si Yeso am, “Ko pa ciring jinyo am no si mangay sira o yararwa ka tao ori am o abneken a apya so iyangay a tao do tangain na ni Ama ta do to am o yamapeyvazay so deyking a tao ori an. So ikabeken a tao a macyagom do Vadisay ori. Ta si Ama ta do to am peypavevehen na sira o mapakarakarang so nakem a tao a kapeypakatkat na sira so ji makazyazyak a tao an.”

Make 9:36

Makarahan am manara so kanakan kapatanek na sya do tangain da sapopowen na. Maniring jira am,