Make 6:52 - Seysyo No Tao

⁵² Ta tana nimacita da rana o kaniomabsoy na so aro a tao am ji da pa tenngi o ka Tao do to na ni Yeso, do kaji da makazaban sya no onowned.

Make 6:52 Referans Kwoze

Locya 24:25

Maniring si Yeso jira am, “Manoyong kamo a yajyateteneng a tao an. Ta ikongo nyo ji nganoyngi do ciring da no panoyonoywan na so ciring ni Ama ta do to no kakwa.

Make 16:14

Ney manowji na am mapacita si Yeso do koman a asa so ikakarwan a macinanao jya. Am nioya na sira, ta malma sira so nakenakem ji Ama ta do to a akmey vato so onowned a ji nganoyong do ciring da no tao a nimakacita sya a nimirwa a mavyay.

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Make 7:18

Maniring si Yeso jira am, “Kamo akman sira ori a yaji makateneng jya? Nyo jyatenngi o kaji na mapeyraratenan so tao no isovo a kanen?

Make 3:5

Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”