Make 5:7 - Seysyo No Tao

⁷ a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Make 5:7 Referans Kwoze

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Nimlivolivon 16:17

So to na maciloloi jyamen do rarahan a amlololos. Maniring am, “Sira rana ya am da ahapen o vazay no ney manokdwan na Tao do to. Yada ipeylimwang o Tao do to a mapatazadang jyaten do teyngato.”

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

Ipaziman 12:12

Am ori o isaray nyo a tao do teyngato. So to nyo makasi a tao amyan pa do karawan. Ta yasomozi si Satan a yamangay jinyo do dang. Ta katenngan na o kalikey rana no araraw na.”

Nimlivolivon 19:13

So niyan da no tao do Yotay a omlivolivon a amvozwaw so kalamsoyan ni Satan. Sira rana am tana ji da anoyngi si Yeso am ikakza da pangozayan o ngaran ni Yeso. Ori nisirsirngan da so kalamsoyan ni Satan. Maniring sira am, “Namen pangozayan o ngaran no ipeylimwang ni Pawlo a si Yeso a amvozwaw jinyo.”

Locya 8:28

Macita na si Yeso am omlololos a kapeylilitod na do tangain na ni Yeso. Maniring am, “Mo Yeso a Anak no ney manokdwan na Tao do to, ikongo mo gogadan nyaken. Ji mo pasingsingci yaken an.”

Make 3:11

Macita da si Yeso no kovotan no kalamsoyan ni Satan a tao am meylilitod sira do tangain na kalololos da manci no, “Imo rana am Anak na imo no Tao do to.”

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

2 Pite 2:4

O nimeyraraten a tinsi am ji na vonasa o raraten da. Ta nipangay na sira do kararatan. So nilyowan na sira aptengen do kasarisaryan a yamapanala so araraw ni Ama ta do to a mapeykapyapinpin so tao.

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Sipolay 7:1

O meyngaran so Mocisete am panirsirngen da no Saleng. Iya ori am panirsirngen da no mapatanatanang nira so nakem da ji Ama ta do to. Teyka na sira balinasen ni Apolahan o apat a ka panirsirngen am meysinaoli rana. Meyratateng am rapongen na no meyngaran so Mocisete a kapanlanlag na nya.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Nimlivolivon 8:36

Meyratateng am manahan sira do masngen do ranom. Maniring o tao do Isopiya am, “Yamyan jya so ranom. Apya o kataktak mo jyaken do jya?”

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Locya 4:34

“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.”

Locya 1:32

Iya rana am meyngongyod a katenngan a tao. So pancyan da nya Anak ni Ama ta do to. So torwan na nya ni Ama ta do to jya so azwazway na no ineynapo na ni Tawey.

Make 14:61

Abo o asa ka ciring a nipanci na ni Yeso. Maniring pa ji Yeso o panirsirngen da no mapatanatanang so nakem da si Ama ta do to am, “Manngwa, manoyong ka ya Misayya a Anak ni Ama ta do to?”

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

Make 5:6

Macita na si Yeso do marai pa am malalayo a mangay a kapeylilitod na do tangain ni Yeso,

Make 5:8

O pancyan na no nang am nipanci na ni Yeso o kapakowbot na rana no kalamsoyan ni Satan do kataotao na.

Yake 2:19

Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.