Make 5:22 - Seysyo No Tao

²² Amyan do dang so asa ka meymatmatngeh no peyneynozyan a meyngaran so Yalo a nimacizavoz do aro a tao. Macita na si Yeso am mangay meylilitod do tangain ni Yeso a mapasyasi jya.

Make 5:22 Referans Kwoze

Locya 13:14

Macita na no tomalamozong no peyneynozyan si Yeso a mangiwakwak so ingingnen do ipeywalam no tao am meyoyaoya. Maniring do aro a tao am, “Yakanem araw o tamo ipeyvazay. O mangiwakwak so ingingnen rana ya am vazay do kanem araw eya. Am ori o ji pazavozi sya do ipeywalam no tao.”

Nimlivolivon 18:17

karakep da si Sotenay a tomalamozong no peyneynozyan a kabakbak da jya do pantaw no pacicicyan. Am ji na nikazyak ni Cyadien o akman sang a vazay.

Nimlivolivon 18:8

O tomalamozong no peyneynozyan a meyngaran si Kedisepo a ka nira asa ka vahay am nimamimin sira omanoyong ji Yeso a kano aro a tao do Kedinto a nimakamizing so nipangnanao ni Pawlo a omanoyong rana ji Yeso a kataktak da jira.

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Locya 5:8

Macita na ori ni Simong Pite am meylilitod do tangain na ni Yeso a manci no, “Mo Panirsirngen, to mo na ngaroi yaken an. Ta ko meyraraten a tao an.”

Make 5:33

Katenngan na rana no mavakes o kapya na rana no kataotao na am to rana zikzik a manyahey. Am ori o nipeylilitod na do tangain ni Yeso a manci no kaniminan na jya.

Ipaziman 22:8

Yaken rana am si Yowani ko. Manoyong o kanimakacita ko so aro a vazay eya. Mamizing ko a macita am meylilitod ko do tangain no tinsi a nimapacita jyaken so aro a vazay eya a amraralay nya.

Locya 8:28

Macita na si Yeso am omlololos a kapeylilitod na do tangain na ni Yeso. Maniring am, “Mo Yeso a Anak no ney manokdwan na Tao do to, ikongo mo gogadan nyaken. Ji mo pasingsingci yaken an.”

Make 5:38

Makaranes sira do vahay no meymatmatngeh no peyneynozyan am macita na sira o aro a tao a meykabakabayo a omlavi jya.

Matay 2:11

Somdep sira do vahay am macita da o kanakan a kano ina na si Madiya. Am ori o nilogod da amraralay no kanakan ang. Makarahan am babahen da rana o nipalolo da ovay a kano mahangno a haneng a kano makdeng a kosozi a yazaw da sya.