Make 4:26 - Seysyo No Tao

²⁶ Maniring pa si Yeso am, “O italamozong ni Ama ta do to am akman so manokos a tao.

Make 4:26 Referans Kwoze

Matay 13:24

Mangononong pa si Yeso so asa ka pehngehngayan na so ciring na. Maniring am, “O italamozong na ni Ama ta do to am akman so tao a mangay a meymowa do nihakawan da.

Locya 8:11

O peypeypangayan no manokos am akman so Ciriciring na ni Ama ta do to.

Locya 8:5

Maniring am, “Amyan so asa ka tao a mangay a manokos. Manokos am amyan so mangay zomsi do rarahan. So zazasagan da jya, toktokan da jya no meyyasasalap.

Yake 3:18

O makakaday a apiya vazay am akma ney asi no nipamowa a nanao ni Ama ta do to do onowned no tao a mapeypapya so onowned da kano icyatatao da.

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.

Locya 13:18

Maniring si Yeso am, “Akman so wanjin paro o italamozong na ni Ama ta do to. Ikongo payyaingen ko sya.

Matay 13:33

Ipanci na pa ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong na ni Ama ta do to am akman rana so kosozi no odong a ahapen no mavakes a pazavozen do odong a ipeymway na sya.”

Matay 13:31

Ipanci na pa jira ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong ni Ama ta do to am akman so asa ka vettow no nappa a tokosen no tao do peymowamowan na.

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 13:3

Makarahan am mangononong so pehngehngayan na so aro a ciring na. Maniring am, “Amyan so asa ka tao a mangay a manokos.

Matay 4:17

Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Make 4:25

Am ori o pakamizngan nyo sya an. Ta o mamizing so ciring na ni Ama ta do to am arwaro pa o makarapa jira ciring. Am o ji ngamizing so ciring na ni Ama ta do to am tana myan so alikey a katenngan da am to meykabobo jira ori.”

Make 4:27

Mitkeh do mahep a kayokay na do maraw am ji na tenngi o ilida na rana no nitokos na.