Make 4:2 - Seysyo No Tao

² Makarahan am nanawen na sira no aro a ciring a pehngehngain na. Maniring jira am,

Make 4:2 Referans Kwoze

Make 4:11

Maniring si Yeso am, “O ji na nipatwaw pa peypeypangayan na no katalamozong na ninyo ni Ama ta do to am ipanci ko jinyo an. O karwan da no tao am nanawen ko sira no pehngehngayan ko so ciring ko.

Make 3:23

Makarahan am lovoten na sira ni Yeso o aro a tao do tangain na kapanci na nya jira so asa ka pehngehngayan na so ciring na a inanao na sira. Maniring jira am, “Jyabo kapamozwaw ni Satan so kalamsoyan na.

Matay 13:10

Mai sira o macinanao ji Yeso am maniring sira jya am, “No mo nanawen sira o tao am ikongo o mo pehngehngayan so ciring mo.”

Matay 13:3

Makarahan am mangononong so pehngehngayan na so aro a ciring na. Maniring am, “Amyan so asa ka tao a mangay a manokos.

Make 12:38

Maniring pa si Yeso do nanawan na sira am, “Azimanen nyo sira o mangnanao no iwawalam ni Ama ta do to a tao. Sira rana am da ikakza o da kapeyyayob so pipya ayob a yamangonong do rarahan. Ikakza da o kararalay da nira no tao do karwarwan no tao.

Matay 7:28

Mateyka ni Yeso o ciring na am isavasavak da no makamizing so nipangnanao na.

Yowani 18:19

Pacicin na si Yeso no panirsirngen da no mapatanatanang so nakem da si Ama ta do to. O ipacici na sya am omagaz do nanao na kano omanop jya.

Make 4:3

“Pakamizngen nyo an. Amyan so asa ka tao a mangay manokos.

Make 10:1

Karwan na rana ni Yeso do dang a kapeyhavas na do ayo a meyngaran so Yotan a meypangay do Yotay. Macita da sira no aro a tao am meysinsinmo sira do tangain ni Yeso. Akman sang a amnanao sira.

Make 12:1

Nanawen na sira ni Yeso am mangononong so pehngehngayan na so ciring na. Maniring am, “Amyan so asa ka tao a nimeymowa so asa lan a potaw. Makarahan am zazacitan na o livolivon na a kapamaring na so pangatesan na so potaw a kapatnek na so tagakal a panitan na so manakaw a tao. Mateyka na am itoro na do tao a vooden da peymowan a kangay na rana do marai a ili.