Make 4:11 - Seysyo No Tao

¹¹ Maniring si Yeso am, “O ji na nipatwaw pa peypeypangayan na no katalamozong na ninyo ni Ama ta do to am ipanci ko jinyo an. O karwan da no tao am nanawen ko sira no pehngehngayan ko so ciring ko.

Make 4:11 Referans Kwoze

Matay 11:25

No kanang am maniring si Yeso am, “Mo Ama a Panirsirngen do teyngato a kano karawan, ko isaray jimo, ta mo nibengbeng do mapakateneteneng a tao o aro a vazay, a mo kapatwaw sya do yamapehbo so nakem da a tao,

Locya 8:10

Maniring jira am, “O ji na nipatwaw pa peypeypangayan na no katalamozong na ninyo ni Ama ta do to o ipanci ko jinyo an. Am o karwan da no tao am nanawen ko sira no payyaingan ko sya ciring. Ta tana citacitahen da am akma dey jyacita. Tana amyamizngen da am ji da tenngi.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

1 Tesalonicya 4:12

So ji nyo meyhanhani no icyatatao nyo a mapatodeh jinyo. So ikanoyong nyo a ikanig da no ji manaralay a tao.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

1 Timotay 3:7

O makdeng pa am apzatan na o icicirawat na do tangain da no ji pa nganoyong ji Yeso a tao, ta si marahet o vazay na am matamwad do katalamozong na nya ni Satan.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 13:16

“Am inyo am kamo tey yapya. Ta yamakacita o mata nyo. Yamakamizing o cicilwan nyo.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

Make 3:23

Makarahan am lovoten na sira ni Yeso o aro a tao do tangain na kapanci na nya jira so asa ka pehngehngayan na so ciring na a inanao na sira. Maniring jira am, “Jyabo kapamozwaw ni Satan so kalamsoyan na.

Make 4:2

Makarahan am nanawen na sira no aro a ciring a pehngehngain na. Maniring jira am,

Make 4:10

Maveyvow si Yeso am o niomamizing so ciring na tao am macihza sira do rarwa so ikakarwan a macinanao ji Yeso a mangay manahes no peypeypangayan na.