Make 3:3 - Seysyo No Tao

³ Maniring si Yeso do meykazakazain so lima tao am, “Sijya do tangain ko.”

Make 3:3 Referans Kwoze

1 Pite 4:1

Manoyong o kanimanngannga na ninyo ni Yeso Kizisto. Am ori an, no manngannga kamo do raralayan nyo ni Yeso Kizisto a kato nyo liliwan sya a makanakem si Kizisto a nisomabway no raraten nyo am manoyong kamo na nikomaro do peyraratenan nyo.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.

Cyalatay 6:9

Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

Yowani 9:4

Ahapen ta o vazay na no yanimapahanhan jyaken do ikavyay ta pa. Ta no si mawakwak ta rana am ji ta na makapeyvazay.

Locya 6:8

Ikongo do mahaw na ni Yeso o onowned da, am ori o nipancyan na nya do meykazakazain so lima tao. Maniring am, “Peytatanek rana kangay mo do tangain da no aro a tao.” Am ori o nipeytatanek na rana.

Matay 12:10

Amyan do dang so asa ka tao a meykazakazain so lima. Ikongo do naknakmen da no tatasa ka tao o kapeykala da so karatan ni Yeso. Maniring sira ji Yeso am, “Manngwa, iwawalam ta o kapangiwakwak so tao do ipeyweywalam no tao an?”

Make 3:2

Tatasa ka tao o amnakenakem so kapeykala da so karatan ni Yeso a iraherahet da sya. Am ori o niyan da do katangked na tomita so vazay na do kaskad da ji Yeso a mangiwakwak so tao do ipeywalam no tao.

Make 3:4

Makarahan am pacicin na sira o tomangay sya tao. Maniring am, “Ikongo o yata ahahapan sya do ipeywalam no tao. Manngwa, apyapya o kapanidong so tao an? No apyapya o kaji mamyayan so tao. Avyain sira an? No wakwaken sira.” Mamizing da no aro a tao am abo meyzezyak.