Make 15:45 - Seysyo No Tao

⁴⁵ Mamizing na do panirsirngen da no itaysang no Loma o kanimawakwak na rana ni Yeso am ori o nipyan na si Yoseyvo a mahap rana so kataotao na ni Yeso.

Make 15:45 Referans Kwoze

Yowani 19:38

Makarahan am o tao do Adimatay a meyngaran so Yoseyvo am ipanci na ji Pilato o kahap na so kataotao ni Yeso. Am iya rana am anoyngan na no nang si Yeso. Am ji nadkeci o kapanci na nya do tao, ta ikanyahey na o panipanirsirngen no tao do Yotay. So nipyan na sya ni Pilato a mangay omkas so kataotao na ni Yeso a kahap na rana sya.

Make 15:39

O amyan do tangain no jyojika a panirsirngen no itaysang no Loma am macita na si Yeso a amlololos a mawakwak am maniring am, “Manoyong o tao eya Anak no Tao do to.”

Matay 27:58

So nyangay na ji Pilato a manci no kakas na so kataotao ni Yeso. Karahan am manovoy si Pilato so lamlamsoy na a manci no kapya na mangay da hapen no kataotao ni Yeso,

Make 15:44

Nisavasavak na ni Pilato o mina kapakamizing na rana si Yeso a nimawakwak. Am ori o nipancyan na no asa ka panirsirngen no itaysang no Loma a mai. Maniring jya am, “Manngwa, yarana nimawakwak si Yeso?”

Make 15:46

Karahan am manazang si Yoseyvo so milakayob a kangay na rana omkas so kataotao ni Yeso a pongosan no milakayob a mangay pakakasahen do nidokdokan na rana mao a kalolog na so rako a veysen a pazevngen na do heseb na.