Make 14:26 - Seysyo No Tao

²⁶ Teyka da o asa ka anwanood a sarayan da ni Ama ta do to a peyyanwanooden am mangay rana sira do tokon a meyngaran so Kanlan.

Make 14:26 Referans Kwoze

Matay 26:30

Meyyanwanood sira so asa ka anwanood a sarayan da ni Ama ta do to a kapakowbot da rana a mangay do meyngaran so Kanlan a tokon.

Locya 22:39

Makowbot si Yeso do ili am akman sang a mangay do Kanlan a tokon a kapacihza da no macinanao jya.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Yake 5:13

No myan jinyo so makasazi so alalaw am meynozi an. No masaray kamo am meyyanwanood kamo an a somaray nya ji Ama ta do to.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

1 Kedinto 14:15

No akman sang am makongo so wanjin. No meynozi ko am meynozi o onowned ko a kano akman sang a aktokto ko a meynozi. Akman sang no meyyanwanood ko.

Nimlivolivon 16:25

Avak no ahep am meynozi si Pawlo a kani Sila kapeyyanwanood da somaray ni Ama ta do to. O kararay da nipteng da am to da ngamiznga sira.

Matay 21:1

Masngen rana sira do Yelosaleng am mangay sira do Peyvake a ili do asa ka tokon a meyngaran so Kanlan. Nimanovoy si Yeso so rarwa ka macinanao jya manma mangay do ili.

Make 14:25

To ko na macitangayan jinyo am ji ko rana ngyop so potaw cyo mangay no marateng o araraw na no kapacikaop ko jinyo a omyop do teyngato, no si papwen na ni Ama ta do to o katalamozong na no vayo a karawan.”

Yowani 18:1

Teyka meynozi si Yeso am makowbot rana kano macinanao jya a kangay da do katovangan no ayo a meyngaran so Kelon. Do dang rana am yanan no asa ka peymowamowan. So nyangay da do dang.